Aqtóbede politsiia qyzmetkerleri asa iri kólemde esirtki zattaryn zańsyz saqtaǵan 35 jastaǵy er adamdy ustady, dep habarlaidy Dalanews.kz.
Kúdiktiniń avtokóligin tekserý barysynda jedel ýákilder ósimdik tektes zat salynǵan oramany anyqtap, tárkiledi. Keiin esirtki zattaryn saqtaý úshin arnaiy jalǵa alynǵan páterdi tekserý kezinde dál osyndai zat salynǵan qap tabylyp, alyndy.
Saraptama qorytyndysyna sáikes, tárkilengen zattardyń marihýana esirtki zaty ekeni anyqtaldy. Onyń jalpy salmaǵy shamamen 13 keli, bul 21 myńnan astam bir rettik dozaǵa teń.
Kúdikti ýaqytsha ustaý izoliatoryna qamaldy. Asa iri kólemde esirtki zattaryn zańsyz saqtaý deregi boiynsha sotqa deiingi tergep-tekserý júrgizilýde.
Atalǵan baptyń sanktsiiasy úsh jyldan jeti jylǵa deiin bas bostandyǵynan aiyrý jazasyn kózdeidi.
