Aqtóbe oblysynyń arnaiy prokýrorlary internet-dúken arqyly psihotroptyq zattardy búkil el aýmaǵynda taratqan uiymdasqan qylmystyq topqa qatysty sotqa deiingi tergep-tekserýdi aiaqtady, dep habarlaidy Dalanews.kz.
Tergeý derekterine sáikes, «Qymyz shop» ataýymen jumys istegen internet-dúken Telegram messendjerinde «bailanyssyz qatysý» úlgisimen uiymdastyrylǵan. Al qarjy operatsiialary «dropperlerdiń» banktik kartalary arqyly júrgizilgen. Internet-dúkenniń jalpy ainalymy 50 million teńgeden asqan.
Jedel-tergeý is-sharalary barysynda Qaraǵandy, Soltústik Qazaqstan, Aqtóbe oblystary men Astana qalasynyń aýmaǵynda alty adam anyqtalyp, ustaldy. Olardyń qolynan 10 kilogrammnan astam psihotroptyq zat tárkilendi.
Atalǵan faktiler boiynsha Qazaqstan Respýblikasy Qylmystyq kodeksiniń 262, 297 jáne 299-1-baptary boiynsha (uiymdasqan qylmystyq top qurý jáne oǵan basshylyq etý, psihotroptyq zattardy zańsyz saqtaý, tasymaldaý, ótkizý, sondai-aq olardy zańsyz jarnamalaý) sotqa deiingi tergep-tekserý júrgizildi.
Qazirgi tańda qylmystyq is máni boiynsha qaraý úshin sotqa joldandy.
