Aqtóbede birer kún buryn erli-zaiyptynyń denesi tabyldy. Tártip saqshylary aldymen kólik ishinen 39 jastaǵy áieldiń máiitin kórgen. Oǵan kúsh kórsetilgen bolýy múmkin. Aldyn ala derek boiynsha sol mańda marqumnyń kúieýi asylyp qalǵan. Bul oqiǵaǵa qatysty tyń aqparat aityldy, dep habarlaidy Dalanews.kz "KTK" telearnasyna siltep.
Kórshileri marqum erli-zaiypty týraly aitty.
"Jaqsy otbasy boldy. Eń kishisi esimde, shamamen bir jarym jasta edi. Eshqandai kúdikti jaǵdai baiqamadyq", - degen kórshilerdiń biri Juldyz Aitmuqan telearnaǵa.
Marqumdardyń artynda bes bala qaldy. Úlkeni - 10-synyp oqýshysy, al eń kishisi áli eki jasqa tolmaǵan. Tórteýi de jergilikti orta mektepte oqidy.
Muǵalimderdiń aitýynsha, balalar - úlgili oqýshylar, al ata-anasy mektep ómirine belsendi qatysqan, jinalystarǵa únemi kelip otyrǵan.
"Olardy ózim jaqsy bilemin, jumys barysynda kezdesip, mektepke qatysty máselelerdi talqylap júrdik", - dedi mektep direktory Ǵaziz Qalamov.
Qazir balalar jaqyn týystarynyń qaraýynda.
