اقتٶبەدە بٸرەر كٷن بۇرىن ەرلٸ-زايىپتىنىڭ دەنەسٸ تابىلدى. تەرتٸپ ساقشىلارى الدىمەن كٶلٸك ٸشٸنەن 39 جاستاعى ەيەلدٸڭ مەيٸتٸن كٶرگەن. وعان كٷش كٶرسەتٸلگەن بولۋى مٷمكٸن. الدىن الا دەرەك بويىنشا سول ماڭدا مارقۇمنىڭ كٷيەۋٸ اسىلىپ قالعان. بۇل وقيعاعا قاتىستى تىڭ اقپارات ايتىلدى, دەپ حابارلايدى Dalanews.kz "كتك" تەلەارناسىنا سٸلتەپ.
كٶرشٸلەرٸ مارقۇم ەرلٸ-زايىپتى تۋرالى ايتتى.
"جاقسى وتباسى بولدى. ەڭ كٸشٸسٸ ەسٸمدە, شامامەن بٸر جارىم جاستا ەدٸ. ەشقانداي كٷدٸكتٸ جاعداي بايقامادىق", - دەگەن كٶرشٸلەردٸڭ بٸرٸ جۇلدىز ايتمۇقان تەلەارناعا.
مارقۇمداردىڭ ارتىندا بەس بالا قالدى. ٷلكەنٸ - 10-سىنىپ وقۋشىسى, ال ەڭ كٸشٸسٸ ەلٸ ەكٸ جاسقا تولماعان. تٶرتەۋٸ دە جەرگٸلٸكتٸ ورتا مەكتەپتە وقيدى.
مۇعالٸمدەردٸڭ ايتۋىنشا, بالالار - ٷلگٸلٸ وقۋشىلار, ال اتا-اناسى مەكتەپ ٶمٸرٸنە بەلسەندٸ قاتىسقان, جينالىستارعا ٷنەمٸ كەلٸپ وتىرعان.
"ولاردى ٶزٸم جاقسى بٸلەمٸن, جۇمىس بارىسىندا كەزدەسٸپ, مەكتەپكە قاتىستى مەسەلەلەردٸ تالقىلاپ جٷردٸك", - دەدٸ مەكتەپ ديرەكتورى عازيز قالاموۆ.
قازٸر بالالار جاقىن تۋىستارىنىڭ قاراۋىندا.
