Aqtóbede internet-alaiaqtyq jolmen urlanǵan aqshany zańdastyrýǵa kómektesken kúdiktiler ustaldy. Bul týraly Qarjylyq monitoring agenttigi málimdedi, dep habarlaidy dalanews.kz.
Tergeý málimetinshe, kúdiktiler internet-alaiaqtar urlaǵan qarajatty dropperler arqyly shyǵaryp otyrǵan. Ol úshin bank qosymshalary men kriptovaliýta ámiiandary ornatylǵan uialy telefondar paidalanylǵan. Osy qurylǵylardyń kómegimen qylmystyq top músheleri bóten adamdardyń banktik shottaryn qashyqtan basqarǵan.
Aldymen qarajat tranzittik shottarǵa aýdarylyp, keiin jalǵan tulǵalardyń esepshottaryna jiberilgen. Odan soń aqsha kriptovaliýtaǵa aiyrbastalyp, qolma-qol aqshaǵa ainaldyrylǵan.
Politsiianyń málimetinshe, alaiaqtardyń áreketinen Qazaqstannyń 16 óńirinen 80 adam zardap shekken. Keltirilgen jalpy shyǵyn 120 million teńgeden asqan.
Qylmystyq is aiasynda 10 adam ustaldy. Onyń segizi sot sheshimimen qamaýǵa alynsa, taǵy ekeýi úiqamaqqa jiberildi. Sonymen qatar segiz páterge, bir avtokólikke jáne quny 52 myń AQSh dollaryn quraityn tsifrlyq aktivterge tyiym salyndy.
Qazirgi ýaqytta tergeý amaldary jalǵasyp jatyr.
