Aqtóbede er adam áıelin pyshaqtap tastaǵan, dep habarlaıdy Dalanews.kz.

Oblystyń 41 jastaǵy turǵyny qyzǵanyshtan tańerteń kórshisiniń úıinen mas kúıinde bir ǵana halatpen qaıtyp kelgen áıeline pyshaq jaraqatyn salǵan. Ózin qorǵaýǵa tyrysqan áıel asúı pyshaǵyn qolǵa alǵanymen, er adam ony tartyp alyp, qaryn tusyna pyshaq suǵyp jibergen. Jaralanǵan áıeldiń ishi tusyna pyshaq tıip, aýrýhanaǵa jetkizildi.

Sotta er adam keshke áıelimen birge alkogól ishkenin, keıin túnniń ortasynda áıel úıden shyǵyp ketip, tańerteń ǵana bir halatpen oralǵanyn aıtty. Onyń sózinshe, er adam kórshisi áıeliniń qalǵan kıimderi men kiltin ákelip, «umytyp ketipti» degen soń ashýlanyp ketken. 

Al kórshisiniń ózi sotta áıelmen birge bir shólmek araq ishkenin, sodan keıin onyń úıine ketkenin aıtty. Jábirlenýshi kúıeýin keshirgenin jáne em qabyldaǵanyn málimdedi. Soǵan qaramastan, sot aıyptalýshy jazasyn óteýi tıis degen qorytyndyǵa keldi.

Er adam 3 jyl 6 aıǵa bas bostandyǵynan aıyryldy. Ol buryn qylmystyq jaýapkershilikke tartylǵandyqtan, jazasyn qatań rejımdegi mekemede óteıdi.