Aqtóbe oblysyndaǵy tikushaq apatynan zardap shekkenderdiń jaǵdaiy belgili boldy, - dep habarlaidy Dalanews.kz.
Orda.kz málimetinshe, Mi-8 tikushaǵy qatty qonǵan kezde zardap shekken eki ushqysh aýrýhanadan shyǵaryldy. Olardyń jaǵdaiy jaqsarǵan, endi olar ambýlatoriialyq baqylaýda bolady.
Zardap shekkender travmatologiia jáne neirohirýrgiia bólimshelerinde emdeldi.
"Midyń shaiqalýy, keýde qýysynyń kógerýi, qabyrǵanyń kógerýi, kóptegen jaraqat boldy. Qolda kishkentai kúigen jerler boldy, synǵan jerleri joq. Aýrahanadan shyǵarý kezinde jaǵdaiy qanaǵattanarlyq boldy", - dep jazylǵan basylym dereginde.
Aita keteiik, 9 qarashada Aqtóbe oblysy Saryjar aýylynyń mańynda Áýe qorǵanysy kúshteri áskeri institýtynyń Mi-8 tikushaǵy oqý-jattyǵý ushýlaryn oryndaý kezinde apat jaǵdaiynda qonǵan edi.
Bortta bolǵan 3 ekipaj múshesiniń 2-eýi aýrýhanaǵa jetkizildi. Olarǵa qajet meditsinalyq kómek kórsetildi. Ekipaj músheleriniń biri qaza tapty.
"Aviatsiialyq oqiǵanyń aldyn-ala sebebi - tehnikalyq aqaýlyq. Oqiǵanyń mán-jaiy anyqtalyp jatyr. Jergilikti jerde vedomstvoaralyq jedel top jumys istep jatyr", - dep jazylǵan edi buǵan deiin Qorǵanys ministrligi habarlamasynda.
