اقتوبە وبلىسىنداعى تىكۇشاق اپاتىنان زارداپ شەككەندەردىڭ جاعدايى بەلگىلى بولدى، - دەپ حابارلايدى Dalanews.kz.
Orda.kz مالىمەتىنشە، مي-8 تىكۇشاعى قاتتى قونعان كەزدە زارداپ شەككەن ەكى ۇشقىش اۋرۋحانادان شىعارىلدى. ولاردىڭ جاعدايى جاقسارعان، ەندى ولار امبۋلاتوريالىق باقىلاۋدا بولادى.
زارداپ شەككەندەر تراۆماتولوگيا جانە نەيروحيرۋرگيا بولىمشەلەرىندە ەمدەلدى.
"ميدىڭ شايقالۋى، كەۋدە قۋىسىنىڭ كوگەرۋى، قابىرعانىڭ كوگەرۋى، كوپتەگەن جاراقات بولدى. قولدا كىشكەنتاي كۇيگەن جەرلەر بولدى، سىنعان جەرلەرى جوق. اۋراحانادان شىعارۋ كەزىندە جاعدايى قاناعاتتانارلىق بولدى"، - دەپ جازىلعان باسىلىم دەرەگىندە.
ايتا كەتەيىك، 9 قاراشادا اقتوبە وبلىسى سارىجار اۋىلىنىڭ ماڭىندا اۋە قورعانىسى كۇشتەرى اسكەري ينستيتۋتىنىڭ مي-8 تىكۇشاعى وقۋ-جاتتىعۋ ۇشۋلارىن ورىنداۋ كەزىندە اپات جاعدايىندا قونعان ەدى.
بورتتا بولعان 3 ەكيپاج مۇشەسىنىڭ 2-ەۋى اۋرۋحاناعا جەتكىزىلدى. ولارعا قاجەت مەديسينالىق كومەك كورسەتىلدى. ەكيپاج مۇشەلەرىنىڭ ءبىرى قازا تاپتى.
"اۆياسيالىق وقيعانىڭ الدىن-الا سەبەبى - تەحنيكالىق اقاۋلىق. وقيعانىڭ ءمان-جايى انىقتالىپ جاتىر. جەرگىلىكتى جەردە ۆەدومستۆوارالىق جەدەل توپ جۇمىس ىستەپ جاتىر"، - دەپ جازىلعان ەدى بۇعان دەيىن قورعانىس مينيسترلىگى حابارلاماسىندا.
