Aqtóbe fýtbol klýbynyń bylyǵy áshkerelendi,- dep habarlaidy Dalanews.kz.
Oblys prokýratýrasy Aqtóbe fýtbol klýbyn teksergen. 250 mln teńgege qarjylyq zańbuzýshylyqtar anyqtalǵan.
"Sonyń ishinde oiynshylardyń transferleri jáne áýe tasymaldaý boiynsha kúmándi mámile jasalǵan. Sondai-aq, oiynshylardyń tamaqtanýyna bólingen qarajatty klýb qyzmetkerleri jeke qajettilikterine jumsaǵan", - dep jazylǵan habarlamada.
Tekseris qorytyndysy boiynsha oblys prokýratýrasy myna baptarmen sotaldy tergeýdi bastady:
- Qylmystyq kodekstiń 189-babynyń 4-bóliginiń 2) tarmaǵy (asa iri mólsherde senip tapsyrylǵan bóten múlikti jymqyrý);
- 361-babynyń 4-bóliginiń 1) tarmaǵy (laýazymdyq ókilettikterdi teris paidalaný);
- 190-babynyń 4-bóliginiń 2) tarmaǵy (alaiaqtyq) boiynsha 3 sotaldy tergep-tekserý bastaldy.
"Qylmystyq ister tergep-tekserý úshin Sybailas jemqorlyqqa qarsy qyzmetke joldandy. Bul isterdiń tergelý barysy oblys prokýratýrasynyń baqylaýynda", - dep jazylǵan habarlamada.
