اقتوبە فۋتبول كلۋبىنىڭ بىلىعى اشكەرەلەندى،- دەپ حابارلايدى Dalanews.kz.
وبلىس پروكۋراتۋراسى اقتوبە فۋتبول كلۋبىن تەكسەرگەن. 250 ملن تەڭگەگە قارجىلىق زاڭبۇزۋشىلىقتار انىقتالعان.
"سونىڭ ىشىندە ويىنشىلاردىڭ ترانسفەرلەرى جانە اۋە تاسىمالداۋ بويىنشا كۇماندى مامىلە جاسالعان. سونداي-اق، ويىنشىلاردىڭ تاماقتانۋىنا بولىنگەن قاراجاتتى كلۋب قىزمەتكەرلەرى جەكە قاجەتتىلىكتەرىنە جۇمساعان"، - دەپ جازىلعان حابارلامادا.
تەكسەرىس قورىتىندىسى بويىنشا وبلىس پروكۋراتۋراسى مىنا باپتارمەن سوتالدى تەرگەۋدى باستادى:
- قىلمىستىق كودەكستىڭ 189-بابىنىڭ 4-بولىگىنىڭ 2) تارماعى (اسا ءىرى مولشەردە سەنىپ تاپسىرىلعان بوتەن مۇلىكتى جىمقىرۋ)؛
- 361-بابىنىڭ 4-بولىگىنىڭ 1) تارماعى (لاۋازىمدىق وكىلەتتىكتەردى تەرىس پايدالانۋ)؛
- 190-بابىنىڭ 4-بولىگىنىڭ 2) تارماعى (الاياقتىق) بويىنشا 3 سوتالدى تەرگەپ-تەكسەرۋ باستالدى.
"قىلمىستىق ىستەر تەرگەپ-تەكسەرۋ ءۇشىن سىبايلاس جەمقورلىققا قارسى قىزمەتكە جولداندى. بۇل ىستەردىڭ تەرگەلۋ بارىسى وبلىس پروكۋراتۋراسىنىڭ باقىلاۋىندا"، - دەپ جازىلعان حابارلامادا.
