ماڭعىستاۋداعى تٶتەنشە جاعدايدىڭ العاشقى تەۋلٸگٸندە مەملەكەتتٸك ورگاندار وقيعا, ٸزدەۋ-قۇتقارۋ جۇمىستارى جەنە تەرگەۋ بارىسى تۋرالى اقپاراتتى جٷيەلٸ تٷردە جارييالاپ وتىرعان. بۇل تۋرالى ساياساتتانۋشى ليلييا مانشينا Telegram-داعى پاراقشاسىندا جازدى, دەپ حابارلايدى dalanews.kz.
قورعانىس مينيسترلٸگٸنٸڭ كاسپييدەگٸ قايعىلى وقيعا تۋرالى العاشقى حابارلاماسى ساعات 13:57-دە جارييالانعان. كەيٸن جاڭالىقتار پورتالدارى وقيعا ورنىنان فوتو جەنە ۆيدەو جارييالاپ, جاعدايدى اشىق كٶرسەتتٸ.
مەملەكەتتٸك ورگاندار العاشقى حابارلامامەن شەكتەلمەي, ٸزدەۋ-قۇتقارۋ جۇمىستارىنىڭ ەر كەزەڭٸ تۋرالى اقپارات بەرٸپ وتىرعان. ساياساتتانۋشىنىڭ پٸكٸرٸنشە, بۇل جالعان اقپارات, قاۋەسەت پەن تٷرلٸ بولجامدار تارالۋىنا جول بەرمەي, اقپاراتتىق باستامانى ساقتاۋعا مٷمكٸندٸك بەرگەن.
العاشقى حابارلامادان 16 مينۋت ٶتكەن سوڭ, ساعات 14:13-تە باس پروكۋراتۋرا قىلمىستىق ٸس قوزعالعانىن جەنە جەدەل تەرگەۋ توبى قۇرىلعانىن حابارلادى. تەرگەۋ ەرەكشە باقىلاۋعا الىنعانى ايتىلدى.
ساعات 15:11-دە ٷكٸمەتتٸك كوميسسييا قۇرىلعانى بەلگٸلٸ بولدى. كوميسسييا وقيعا ورنىنا بٸردەن اتتانعان.
ساعات 16:47-دە اقوردا قازا تاپقان ەسكەري قىزمەتشٸلەردٸڭ تۋىستارىنا مەملەكەت باسشىسىنىڭ كٶڭٸل ايتۋىن جارييالادى. قاسىم-جومارت توقاەۆ ٷكٸمەتتٸك كوميسسييا مەن مەملەكەتتٸك ورگاندارعا قازا تاپقانداردىڭ وتباسىلارىنا كٶمەكتەسٸپ, قايعىلى وقيعانىڭ مەن-جايىن انىقتاۋ ٷشٸن شارالار قابىلداۋدى تاپسىردى.
سول كٷنٸ پرەزيدەنت جالپىۇلتتىق ازا تۇتۋ كٷنٸن جارييالادى.
كەلەسٸ كٷنٸ ساعات 09:57-دە باس پروكۋراتۋرا جٷرگٸزٸلگەن تەرگەۋ شارالارى, سونىڭ ٸشٸندە ساراپتامالار مەن جاۋاپ الۋلار تۋرالى اقپارات بەردٸ. نەتيجەسٸندە العاشقى كٷدٸكتٸلەر انىقتالدى.
ٷش ساعاتتان كەيٸن, ساعات 13:28-دە ٸشكٸ ٸستەر مينيسترلٸگٸ قايعىلى وقيعاعا جاۋاپتى بەس لاۋازىمدى تۇلعانىڭ ۇستالعان سەتٸ تٷسٸرٸلگەن ۆيدەونى جارييالادى.
ساراپشى باق-تا ەسكەري قىزمەتشٸلەردٸڭ قازاسىنا قاتىستى ٸس بويىنشا "قورعانىس مينيسترلٸگٸنٸڭ لاۋازىمدى تۇلعالارى" ۇستالعانى تۋرالى بٸردەي تاقىرىپتار تاراعانىنا نازار اۋداردى. ونىڭ پٸكٸرٸنشە, بۇل قوعامعا لاۋازىمىنا قاراماستان, قايعىلى وقيعاعا قاتىسى بار ادامدار جاۋاپكەرشٸلٸككە تارتىلاتىنىن كٶرسەتكەن.
بۇدان بٶلەك, باق-تا قايىرىمدىلىق قاراجاتىن بٶلۋ جٶنٸندەگٸ ارنايى كوميسسييانى قازاقستان حالىق كەڭەسٸنٸڭ مٷشەسٸ بەكمۇرات جٷسٸپوۆ باسقاراتىنى جازىلعان. سونىمەن قاتار, مەملەكەتتٸك ورگاندار ەسكەري قىزمەتشٸلەردٸڭ وتباسىلارىن تولىق قولداۋعا مٸندەتتەمە العانى ايتىلعان.
كەشكە Telegram-ارنالاردا ٶڭٸر باسشىلارىنىڭ قازا تاپقان ەسكەري قىزمەتشٸلەردٸڭ وتباسىلارىنا بارىپ, مەملەكەت باسشىسىنىڭ جەكە كٶڭٸل ايتۋ جەدەلحاتتارىن تابىستاعان سەتتەرٸ جارييالاندى.
ساياساتتانۋشىنىڭ پايىمداۋىنشا, حابارلامالار ۋاقتىلى جارييالانۋى, اقپاراتتىڭ مازمۇنى مەن باق-تاعى ماتەريالداردىڭ قارقىنى مەملەكەتتٸك ورگانداردىڭ تٶتەنشە جاعداي كەزٸندە جەدەل ەرەكەت ەتٸپ, قوعامدى وقيعانىڭ بارىسى تۋرالى حاباردار ەتە العانىن كٶرسەتتٸ.
