Aqtaý mańyna qulaǵan ushaq apatynan 6 adam aman qaldy. Bul týraly Densaýlyq saqtaý mınıstri Aqmaral Álnazarova málimdedi, dep habarlaıdy Dalanews.kz.
"Aman qalǵandardyń barlyǵy aýyr halde. Ushaq qulaǵan jerde 14 jedel járdem brıgadasy jumys istep jatyr", - deıdi mınıstr.
Eske salaıyq, búgin, 25 jeltoqsanda Aqtaý mańynda ushaq qulady. Osyǵan baılanysty TJM túsinikteme bergen bolatyn.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnıkasy bardy. Oqıǵa ornyna kelgen boıda áýe kemesi janyp jatty. Qutqarý bólimsheleri órtti sóndirýge kiristi".
"Qazaeronavıgasıa" aqparatynsha, Baký-Groznyı baǵyty boıynsha kele jatqan "Embraır190" AHY8243 ushaǵy Aqtaýda quspen soqtyǵysqan.
Al ázerbaıjandyq BAQ-tyń habarlaýynsha, bortta 67 adam men 5 ekıpaj múshesi bolǵan.
