Aqtaýdaǵy ushaq apatynan 12 adam aman qaldy. Bul týraly Mańǵystaý oblysynyń Densaýlyq saqtaý basqarmasy málimdedi, dep habarlaıdy Dalanews.kz.
“Ushaq apatqa ushyraǵan jerden Aqtaýdaǵy Mańǵystaý oblystyq aýrýhanasyna 12 adam (olardyń biri bala) túrli jaraqattarmen jetkizildi. Bortta ekıpaj múshelerin qosqanda 67 adam boldy. Jergilikti jerde 14 jedel járdem brıgadasy jumys istep jatyr, - delingen habarlamada.
Aıta keteıik, buǵan deıin Densaýlyq saqtaý mınıstri Aqmaral Álnazarova aman qalǵan jolaýshylardyń jaǵdaıyna baılanysty túsinikteme bergen edi.
"Aman qalǵandardyń barlyǵy aýyr halde. Ushaq qulaǵan jerde 14 jedel járdem brıgadasy jumys istep jatyr", - deıdi mınıstr.
Eske salaıyq, búgin, 25 jeltoqsanda Aqtaý mańynda ushaq qulady. Osyǵan baılanysty TJM túsinikteme bergen bolatyn.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnıkasy bardy. Oqıǵa ornyna kelgen boıda áýe kemesi janyp jatty. Qutqarý bólimsheleri órtti sóndirýge kiristi".
"Qazaeronavıgasıa" aqparatynsha, Baký-Groznyı baǵyty boıynsha kele jatqan "Embraır190" AHY8243 ushaǵy Aqtaýda quspen soqtyǵysqan.
Al ázerbaıjandyq BAQ-tyń habarlaýynsha, bortta 67 adam men 5 ekıpaj múshesi bolǵan.
