Aqtaý mańyndaǵy ushaq apatynan 25 adam aman qaldy. Bul týraly TJD málimdedi, dep habarlaidy Dalanews.kz.
Aitýlarynsha, zardap shekkender boiynsha aqparat áli de naqtylanyp jatyr.
“Aldyn ala málimet boiynsha, aman qalǵan 25 adam bar. Onyń ishinde 22 adam aýrýhanaǵa jetkizildi. Oqiǵa ornyna TJD, MÓSQ, PD-nyń 150 jeke quramy, 45 birlik tehnikasy jumyldyryldy ”, — delingen habarlamada.
Aita keteiik, buǵan deiin Mańǵystaý oblysynyń Densaýlyq saqtaý basqarmasy atalǵan oqiǵaǵa bailanysty málimet bergen edi.
“Ushaq apatqa ushyraǵan jerden Aqtaýdaǵy Mańǵystaý oblystyq aýrýhanasyna 12 adam (olardyń biri bala) túrli jaraqattarmen jetkizildi. Bortta ekipaj múshelerin qosqanda 67 adam boldy. Jergilikti jerde 14 jedel járdem brigadasy jumys istep jatyr, - delingen habarlamada.
Sodan soń ushaqta bolǵan adamdardyń tizimi paida boldy.
Eske salaiyq, búgin, 25 jeltoqsanda Aqtaý mańynda ushaq qulady. Osyǵan bailanysty TJM túsinikteme bergen bolatyn.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi".
"Qazaeronavigatsiia" aqparatynsha, Baký-Groznyi baǵyty boiynsha kele jatqan "Embrair190" AHY8243 ushaǵy Aqtaýda quspen soqtyǵysqan.
Al ázerbaijandyq BAQ-tyń habarlaýynsha, bortta 67 adam men 5 ekipaj múshesi bolǵan.
