اقتاۋ ماڭىنداعى ۇشاق اپاتىنان 25 ادام امان قالدى. بۇل تۋرالى تجد مالىمدەدى، دەپ حابارلايدى Dalanews.kz.

ايتۋلارىنشا، زارداپ شەككەندەر بويىنشا اقپارات ءالى دە ناقتىلانىپ جاتىر.

“الدىن الا مالىمەت بويىنشا، امان قالعان 25 ادام بار. ونىڭ ىشىندە 22 ادام اۋرۋحاناعا جەتكىزىلدى. وقيعا ورنىنا تجد، ءموسق، پد-نىڭ 150 جەكە قۇرامى، 45 بىرلىك تەحنيكاسى جۇمىلدىرىلدى ”، — دەلىنگەن حابارلامادا.

ايتا كەتەيىك، بۇعان دەيىن ماڭعىستاۋ وبلىسىنىڭ دەنساۋلىق ساقتاۋ باسقارماسى اتالعان وقيعاعا بايلانىستى مالىمەت بەرگەن ەدى.

“ۇشاق اپاتقا ۇشىراعان جەردەن اقتاۋداعى ماڭعىستاۋ وبلىستىق اۋرۋحاناسىنا 12 ادام (ولاردىڭ ءبىرى بالا) ءتۇرلى جاراقاتتارمەن جەتكىزىلدى. بورتتا ەكيپاج مۇشەلەرىن قوسقاندا 67 ادام بولدى. جەرگىلىكتى جەردە 14 جەدەل جاردەم بريگاداسى جۇمىس ىستەپ جاتىر، - دەلىنگەن حابارلامادا.

سودان سوڭ ۇشاقتا بولعان ادامداردىڭ ءتىزىمى پايدا بولدى.

ەسكە سالايىق، بۇگىن، 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تۇسىنىكتەمە بەرگەن بولاتىن. 

"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جانە 11 بىرلىك تەحنيكاسى باردى. وقيعا ورنىنا كەلگەن بويدا اۋە كەمەسى جانىپ جاتتى. قۇتقارۋ بولىمشەلەرى ءورتتى سوندىرۋگە كىرىستى".

"قازاەروناۆيگاسيا" اقپاراتىنشا، باكۋ-گروزنىي باعىتى بويىنشا كەلە جاتقان "ەمبراير190" AHY8243 ۇشاعى اقتاۋدا قۇسپەن سوقتىعىسقان. 

ال ازەربايجاندىق باق-تىڭ حابارلاۋىنشا، بورتتا 67 ادام مەن 5 ەكيپاج مۇشەسى بولعان.