Aqtaýda "Pinta" meiramhanasynyń mańynda bolǵan tóbeleske qatysy bar bes adam ustalyp, qylmystyq is qozǵaldy, dep habarlaidy Dalanews.kz.
Kriminalnyi Kazahstan telegram arnasynyń málimetinshe, oqiǵa 25 naýryzǵa qaraǵan túni shamamen saǵat 05:00-de "Pinta" meiramhanasynyń aldynda bolǵan. Kýágerler túsirgen videoda eki er adamnyń jerde jatqan úshinshi adamdy tepkilep jatqan sáti kórinedi.
Aldyn ala málimet boiynsha, janjalǵa bes adam qatysqan. Olardyń arasynda quqyq qorǵaý organynda qyzmet etetin adamnyń uly bolǵany da aitylyp jatyr.
Politsiia qyzmetkerleri jedel izdestirý sharalary barysynda kúdiktilerdiń barlyǵyn ustaǵan. Eki adam ýaqytsha ustaý izoliatoryna qamaldy.
Mańǵystaý oblystyq politsiia departamenti ókilderiniń málimetinshe, kúdiktilerdiń týystyq bailanystary tergeý barysyna áser etpeidi.
Vedomstvonyń baspasóz qyzmeti tóbeleske qatysy bar barlyq tulǵa zań aiasynda jaýapqa tartylatynyn atap ótti.
Atalǵan derek boiynsha qylmystyq is qozǵalyp, tergeý amaldary júrgizilip jatyr.
