اقتاۋدا "Pinta" مەيرامحاناسىنىڭ ماڭىندا بولعان تٶبەلەسكە قاتىسى بار بەس ادام ۇستالىپ, قىلمىستىق ٸس قوزعالدى, دەپ حابارلايدى Dalanews.kz.
كريمينالنىي كازاحستان تەلەگرام ارناسىنىڭ مەلٸمەتٸنشە, وقيعا 25 ناۋرىزعا قاراعان تٷنٸ شامامەن ساعات 05:00-دە "Pinta" مەيرامحاناسىنىڭ الدىندا بولعان. كۋەگەرلەر تٷسٸرگەن ۆيدەودا ەكٸ ەر ادامنىڭ جەردە جاتقان ٷشٸنشٸ ادامدى تەپكٸلەپ جاتقان سەتٸ كٶرٸنەدٸ.
الدىن الا مەلٸمەت بويىنشا, جانجالعا بەس ادام قاتىسقان. ولاردىڭ اراسىندا قۇقىق قورعاۋ ورگانىندا قىزمەت ەتەتٸن ادامنىڭ ۇلى بولعانى دا ايتىلىپ جاتىر.
پوليتسييا قىزمەتكەرلەرٸ جەدەل ٸزدەستٸرۋ شارالارى بارىسىندا كٷدٸكتٸلەردٸڭ بارلىعىن ۇستاعان. ەكٸ ادام ۋاقىتشا ۇستاۋ يزولياتورىنا قامالدى.
ماڭعىستاۋ وبلىستىق پوليتسييا دەپارتامەنتٸ ٶكٸلدەرٸنٸڭ مەلٸمەتٸنشە, كٷدٸكتٸلەردٸڭ تۋىستىق بايلانىستارى تەرگەۋ بارىسىنا ەسەر ەتپەيدٸ.
ۆەدومستۆونىڭ باسپاسٶز قىزمەتٸ تٶبەلەسكە قاتىسى بار بارلىق تۇلعا زاڭ اياسىندا جاۋاپقا تارتىلاتىنىن اتاپ ٶتتٸ.
اتالعان دەرەك بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلٸپ جاتىر.
