Aqtaýdaǵy 12-shaǵynaýdanda ornalasqan Aktau Towers turǵyn úi kesheniniń turǵyndary qarapaiym turmystyq jaǵdaidyń joqtyǵyna shaǵymdanyp, redaktsiiaǵa júgindi. Olardyń aitýynsha, jylý maýsymy bastalǵaly beri páterlerine jylý berilmegen, dep habarlaidy Dalanews.kz Lada.kz-ke silteme jasap.
Turǵyndardyń sózinshe, qazirgi tańda úide shamamen 40–50 páterge adam qonystanǵan. Kópshiligi resmi túrde paidalanýǵa berilmese de, jóndeý jumystaryn aiaqtap, turmysyn bastap ketken.
Sonymen qatar, taǵy 100–150 páter iesine kilt tapsyrylǵan. Alaida jylý júiesi qosylmaǵandyqtan, olar jóndeý jumystaryn bastai almai otyr.
Qala turǵyndarynyń aitýynsha, barlyq qajetti qujat rásimdelgen, ishki injenerlik jeliler tolyq aiaqtalǵan, sondyqtan jylý berýge eshqandai kedergi joq.
«Qujat jaǵynan da, ishki jumystar boiynsha da másele joq. Biz tek úidiń jylýǵa qosylýyn kútip otyrmyz. Qazirdiń ózinde páterlerde balalar men qart adamdar turyp jatyr. Sýyqtan tońyp, jii aýyratyn boldyq. Birneshe ret Kaspii jylý, sý arnasy MKK-ne jylý qosý týraly ótinish joldadyq, biraq kompaniia ókilderimen bailanysý múmkin bolmai otyr», – deidi turǵyndar.
Zastroishik ókiliniń aitýynsha, «Aktau Towers» turǵyn úi-qurylys kooperativi, MAEK JShS jáne Kaspii jylý, sý arnasy arasynda jylýmen qamtýǵa qatysty kelisimsharttar jasalǵan. Alaida ázirge jylý qosý jumystary júrgizilmegen.
Máselege nazar aýdartý úshin turǵyndar bilik ókilderine beineúndeý jazýǵa májbúr bolǵan.
Al Kaspii jylý, sý arnasy MKK redaktsiianyń resmi suraýyna bylai jaýap berdi:
«Beinejazbada kórsetilgen mekenjai boiynsha zastroishikten nemese qyzmet kórsetýshi uiymnan jylýmen qamtýǵa qatysty resmi ótinim túsken joq. Soǵan qaramastan, mamandarymyz nysanǵa baryp, tekserý júrgizedi. Qorytyndysy boiynsha óz quzyretimiz aiasynda tiisti sharalar qabyldanady».
