اقتاۋداعى 12-شاعىناۋداندا ورنالاسقان Aktau Towers تۇرعىن ٷي كەشەنٸنٸڭ تۇرعىندارى قاراپايىم تۇرمىستىق جاعدايدىڭ جوقتىعىنا شاعىمدانىپ, رەداكتسيياعا جٷگٸندٸ. ولاردىڭ ايتۋىنشا, جىلۋ ماۋسىمى باستالعالى بەرٸ پەتەرلەرٸنە جىلۋ بەرٸلمەگەن, دەپ حابارلايدى Dalanews.kz Lada.kz-كە سٸلتەمە جاساپ.
تۇرعىنداردىڭ سٶزٸنشە, قازٸرگٸ تاڭدا ٷيدە شامامەن 40–50 پەتەرگە ادام قونىستانعان. كٶپشٸلٸگٸ رەسمي تٷردە پايدالانۋعا بەرٸلمەسە دە, جٶندەۋ جۇمىستارىن اياقتاپ, تۇرمىسىن باستاپ كەتكەن.
سونىمەن قاتار, تاعى 100–150 پەتەر يەسٸنە كٸلت تاپسىرىلعان. الايدا جىلۋ جٷيەسٸ قوسىلماعاندىقتان, ولار جٶندەۋ جۇمىستارىن باستاي الماي وتىر.
قالا تۇرعىندارىنىڭ ايتۋىنشا, بارلىق قاجەتتٸ قۇجات رەسٸمدەلگەن, ٸشكٸ ينجەنەرلٸك جەلٸلەر تولىق اياقتالعان, سوندىقتان جىلۋ بەرۋگە ەشقانداي كەدەرگٸ جوق.
«قۇجات جاعىنان دا, ٸشكٸ جۇمىستار بويىنشا دا مەسەلە جوق. بٸز تەك ٷيدٸڭ جىلۋعا قوسىلۋىن كٷتٸپ وتىرمىز. قازٸردٸڭ ٶزٸندە پەتەرلەردە بالالار مەن قارت ادامدار تۇرىپ جاتىر. سۋىقتان توڭىپ, جيٸ اۋىراتىن بولدىق. بٸرنەشە رەت كاسپيي جىلۋ, سۋ ارناسى مكك-نە جىلۋ قوسۋ تۋرالى ٶتٸنٸش جولدادىق, بٸراق كومپانييا ٶكٸلدەرٸمەن بايلانىسۋ مٷمكٸن بولماي وتىر», – دەيدٸ تۇرعىندار.
زاسترويششيك ٶكٸلٸنٸڭ ايتۋىنشا, «Aktau Towers» تۇرعىن ٷي-قۇرىلىس كووپەراتيۆٸ, ماەك جشس جەنە كاسپيي جىلۋ, سۋ ارناسى اراسىندا جىلۋمەن قامتۋعا قاتىستى كەلٸسٸمشارتتار جاسالعان. الايدا ەزٸرگە جىلۋ قوسۋ جۇمىستارى جٷرگٸزٸلمەگەن.
مەسەلەگە نازار اۋدارتۋ ٷشٸن تۇرعىندار بيلٸك ٶكٸلدەرٸنە بەينەٷندەۋ جازۋعا مەجبٷر بولعان.
ال كاسپيي جىلۋ, سۋ ارناسى مكك رەداكتسييانىڭ رەسمي سۇراۋىنا بىلاي جاۋاپ بەردٸ:
«بەينەجازبادا كٶرسەتٸلگەن مەكەنجاي بويىنشا زاسترويششيكتەن نەمەسە قىزمەت كٶرسەتۋشٸ ۇيىمنان جىلۋمەن قامتۋعا قاتىستى رەسمي ٶتٸنٸم تٷسكەن جوق. سوعان قاراماستان, ماماندارىمىز نىسانعا بارىپ, تەكسەرۋ جٷرگٸزەدٸ. قورىتىندىسى بويىنشا ٶز قۇزىرەتٸمٸز اياسىندا تيٸستٸ شارالار قابىلدانادى».
