Aqtaýda «Jasyl el» jastar baǵdarlamasyna qujat qabyldaý kezinde adam kóp jinalyp, ǵimarat ishinde "keptelis" bolǵan. Saldarynan bir áieldiń jaǵdaiy nasharlap, esinen tanyp qalǵan, dep habarlaidy dalanews.kz.
Oqiǵa 18 mamyr kúni Jastar úiiniń mańynda bolǵan. Tańǵy ýaqyttan bastap ondaǵan adam kezekke turǵan. Turǵyndardyń aitýynsha, keibiri qujat tapsyrý úshin tańǵy saǵat 6-dan bastap kelgen.
Baǵdarlama boiynsha jastar qalany kógaldandyrý jáne abattandyrý jumystaryna tartylmaq.
Jergilikti turǵyndardyń sózinshe, aldymen bir kezek tizimi jasalǵan, keiin taǵy bir tizim paida bolyp, saldarynan túsinispeýshilik týǵan. Qujat qabyldaý bastalar sátte ǵimarat aldynda úlken top jinalyp, keiin ishte adam keptelisi bolǵan.
Kýágerlerdiń aitýynsha, sol sátte áielderdiń biriniń jaǵdaiy kúrt nasharlap, ol ǵimarat ishinde esinen tanyp qalǵan.
Turǵyndar qujat qabyldaý protsesiniń durys uiymdastyrylmaǵanyna shaǵymdandy. Olardyń pikirinshe, ótinimderdi onlain formatta qabyldaýǵa nemese adamdar aǵynyn aldyn ala retteýge bolatyn edi.
Aqtaý ákimdigi jastar ortalyǵynyń aldyna 100-den astam adam jinalǵanyn rastady. Ákimdik málimetinshe, adam sanynyń kóp bolýyna bailanysty ǵimarat ishinde shynymen "keptelis" bolǵan.
Oqiǵadan keiin orynǵa jedel járdem qyzmeti shaqyrylyp, esinen tanyp qalǵan áielge meditsinalyq kómek kórsetilgen.
