اقتاۋدا «جاسىل ەل» جاستار باعدارلاماسىنا قۇجات قابىلداۋ كەزٸندە ادام كٶپ جينالىپ, عيمارات ٸشٸندە "كەپتەلٸس" بولعان. سالدارىنان بٸر ەيەلدٸڭ جاعدايى ناشارلاپ, ەسٸنەن تانىپ قالعان, دەپ حابارلايدى dalanews.kz.
وقيعا 18 مامىر كٷنٸ جاستار ٷيٸنٸڭ ماڭىندا بولعان. تاڭعى ۋاقىتتان باستاپ ونداعان ادام كەزەككە تۇرعان. تۇرعىنداردىڭ ايتۋىنشا, كەيبٸرٸ قۇجات تاپسىرۋ ٷشٸن تاڭعى ساعات 6-دان باستاپ كەلگەن.
باعدارلاما بويىنشا جاستار قالانى كٶگالداندىرۋ جەنە اباتتاندىرۋ جۇمىستارىنا تارتىلماق.
جەرگٸلٸكتٸ تۇرعىنداردىڭ سٶزٸنشە, الدىمەن بٸر كەزەك تٸزٸمٸ جاسالعان, كەيٸن تاعى بٸر تٸزٸم پايدا بولىپ, سالدارىنان تٷسٸنٸسپەۋشٸلٸك تۋعان. قۇجات قابىلداۋ باستالار سەتتە عيمارات الدىندا ٷلكەن توپ جينالىپ, كەيٸن ٸشتە ادام كەپتەلٸسٸ بولعان.
كۋەگەرلەردٸڭ ايتۋىنشا, سول سەتتە ەيەلدەردٸڭ بٸرٸنٸڭ جاعدايى كٷرت ناشارلاپ, ول عيمارات ٸشٸندە ەسٸنەن تانىپ قالعان.
تۇرعىندار قۇجات قابىلداۋ پروتسەسٸنٸڭ دۇرىس ۇيىمداستىرىلماعانىنا شاعىمداندى. ولاردىڭ پٸكٸرٸنشە, ٶتٸنٸمدەردٸ ونلاين فورماتتا قابىلداۋعا نەمەسە ادامدار اعىنىن الدىن الا رەتتەۋگە بولاتىن ەدٸ.
اقتاۋ ەكٸمدٸگٸ جاستار ورتالىعىنىڭ الدىنا 100-دەن استام ادام جينالعانىن راستادى. ەكٸمدٸك مەلٸمەتٸنشە, ادام سانىنىڭ كٶپ بولۋىنا بايلانىستى عيمارات ٸشٸندە شىنىمەن "كەپتەلٸس" بولعان.
وقيعادان كەيٸن ورىنعا جەدەل جەردەم قىزمەتٸ شاقىرىلىپ, ەسٸنەن تانىپ قالعان ەيەلگە مەديتسينالىق كٶمەك كٶرسەتٸلگەن.
