Mańǵystaý oblysy ákimi Nurlan Noǵaevqa kommýnaldyq bazar men kóterme-taratý ortalyǵynyń jobasy tanystyrylyp kórsetildi. Qurylysty «ORTs Aqtaý» JShS jeke investordyń qarjysyna salýda. Qazirgi tańda qoimalar salynyp jatyr. Onda fermerler óz ónimderin deldalsyz sata alady. Bul óz kezeginde tutynýshylar úshin baǵany qalyptastyrýǵa oń áser etedi.
– Kóterme-taratý ortalyǵynyń qurylysy joba boiynsha kezeń-kezeńimen iske asyrylyp jatyr. Qazir qurylystyń 30 paiyzy aiaqtaldy. Jobada jemis-jidek, kókónis jáne qurǵaq tamaq ónimderin saqtaityn qoima bolady. Sonymen qatar mýltikameraly tońazytqyshtar qarastyrylǵan. Jobanyń maqsaty meiramhanalar, azyq-túlik dúkenderi, basqa da biznes sýbektilerinde azyq-túlik qaýipsizdigin qamtamasyz etý. Qala turǵyndaryna eshqandai deldalsyz, naryqtaǵy baǵadan tómen azyq-túlikpen qamtamasyz etý, – dedi «ORTs Aqtaý» JShS direktory Bekzat Jetkizgenov.
Aita ketsek, joba Prezident tapsyrmasy aiasynda iske asyrylýda. 22 qyrkúiekte Prezident Qasym-Jomart Toqaev Mańǵystaý oblysyna arnaiy jumys saparymen kelgende óńirdiń áleýmettik-ekonomikalyq damýy jónindegi jiynda infliatsiia deńgeiiniń joǵary ekenin, munyń azyq-túlik taýarlary baǵasynyń tez ósýine áser etip jatqanyn aityp, Aqtaý qalasynda kommýnaldyq jáne kóterme bazarlardy salýdy tapsyrǵan bolatyn. Memleket basshysynyń tapsyrmasynan keiin Aqtaý qalasynyń 36-shaǵyn aýdanynda joba qurylysy bastaldy. Kóterme-taratý ortalyǵy 2023 jyly iske qosylady dep josparlanýda.
