ماڭعىستاۋ وبلىسى ەكٸمٸ نۇرلان نوعاەۆقا كوممۋنالدىق بازار مەن كٶتەرمە-تاراتۋ ورتالىعىنىڭ جوباسى تانىستىرىلىپ كٶرسەتٸلدٸ. قۇرىلىستى «ورتس اقتاۋ» جشس جەكە ينۆەستوردىڭ قارجىسىنا سالۋدا. قازٸرگٸ تاڭدا قويمالار سالىنىپ جاتىر. وندا فەرمەرلەر ٶز ٶنٸمدەرٸن دەلدالسىز ساتا الادى. بۇل ٶز كەزەگٸندە تۇتىنۋشىلار ٷشٸن باعانى قالىپتاستىرۋعا وڭ ەسەر ەتەدٸ.
– كٶتەرمە-تاراتۋ ورتالىعىنىڭ قۇرىلىسى جوبا بويىنشا كەزەڭ-كەزەڭٸمەن ٸسكە اسىرىلىپ جاتىر. قازٸر قۇرىلىستىڭ 30 پايىزى اياقتالدى. جوبادا جەمٸس-جيدەك, كٶكٶنٸس جەنە قۇرعاق تاماق ٶنٸمدەرٸن ساقتايتىن قويما بولادى. سونىمەن قاتار مۋلتيكامەرالى توڭازىتقىشتار قاراستىرىلعان. جوبانىڭ ماقساتى مەيرامحانالار, ازىق-تٷلٸك دٷكەندەرٸ, باسقا دا بيزنەس سۋبەكتٸلەرٸندە ازىق-تٷلٸك قاۋٸپسٸزدٸگٸن قامتاماسىز ەتۋ. قالا تۇرعىندارىنا ەشقانداي دەلدالسىز, نارىقتاعى باعادان تٶمەن ازىق-تٷلٸكپەن قامتاماسىز ەتۋ, – دەدٸ «ورتس اقتاۋ» جشس ديرەكتورى بەكزات جەتكٸزگەنوۆ.
ايتا كەتسەك, جوبا پرەزيدەنت تاپسىرماسى اياسىندا ٸسكە اسىرىلۋدا. 22 قىركٷيەكتە پرەزيدەنت قاسىم-جومارت توقاەۆ ماڭعىستاۋ وبلىسىنا ارنايى جۇمىس ساپارىمەن كەلگەندە ٶڭٸردٸڭ ەلەۋمەتتٸك-ەكونوميكالىق دامۋى جٶنٸندەگٸ جيىندا ينفلياتسييا دەڭگەيٸنٸڭ جوعارى ەكەنٸن, مۇنىڭ ازىق-تٷلٸك تاۋارلارى باعاسىنىڭ تەز ٶسۋٸنە ەسەر ەتٸپ جاتقانىن ايتىپ, اقتاۋ قالاسىندا كوممۋنالدىق جەنە كٶتەرمە بازارلاردى سالۋدى تاپسىرعان بولاتىن. مەملەكەت باسشىسىنىڭ تاپسىرماسىنان كەيٸن اقتاۋ قالاسىنىڭ 36-شاعىن اۋدانىندا جوبا قۇرىلىسى باستالدى. كٶتەرمە-تاراتۋ ورتالىعى 2023 جىلى ٸسكە قوسىلادى دەپ جوسپارلانۋدا.
