Aqtaýda politseiler sýǵa batyp bara jatqan jasóspirimdi qutqaryp qaldy, dep habarlaidy Dalanews.kz.
Búgin saǵat 11:09 shamasynda Aqtaýda teńiz jaǵalaýynda politsiia qyzmetkerlerine teńiz ortasyna qarai bet alǵan jasóspirim týraly habar túsken.
"Oqiǵa ornyna dereý jetken patrýldik politsiia batalonynyń qyzmetkerleri - politsiia aǵa leitenanty Abdýrahim Sáteshov jáne politsiia kishi leitenanty Azamat Qarabalaev jaǵdaidyń asa qaýipti ekenin baǵalap, bir sát te kidirmesten teńizge sekirip, balany jaǵaǵa alyp shyqty", - dedi IIM ókili.
Qazir jasóspirimniń jaǵdaiy qanaǵattanarlyq, ómiri men densaýlyǵyna qaýip joq. Jasóspirimmen profilaktikalyq áńgime júrgizilip jatyr.
