Ақтауда полицейлер суға батып бара жатқан жасөспірімді құтқарып қалды, деп хабарлайды Dalanews.kz.
Бүгін сағат 11:09 шамасында Ақтауда теңіз жағалауында полиция қызметкерлеріне теңіз ортасына қарай бет алған жасөспірім туралы хабар түскен.
"Оқиға орнына дереу жеткен патрульдік полиция батальонының қызметкерлері - полиция аға лейтенанты Абдурахим Сәтешов және полиция кіші лейтенанты Азамат Қарабалаев жағдайдың аса қауіпті екенін бағалап, бір сәт те кідірместен теңізге секіріп, баланы жағаға алып шықты", - деді ІІМ өкілі.
Қазір жасөспірімнің жағдайы қанағаттанарлық, өмірі мен денсаулығына қауіп жоқ. Жасөспіріммен профилактикалық әңгіме жүргізіліп жатыр.
