Komissiia quramyna óńir basshysy Nurlan Noǵaev, Mańǵystaý oblysy ákiminiń birinshi orynbasary, Aqtaý qalasynyń ákimi, "MAEK" JShS Bas direktory,"MEK"AQ Basqarma Tóraǵasy, atom jáne energetikalyq qadaǵalaý jáne baqylaý komitetiniń Mańǵystaý oblysy boiynsha aýmaqtyq departamentiniń basshylyǵy kirdi.
Jumys toby ortalyq dispetcherlik pýnktke baryp, elektr generatsiialaityn ortalyqtyń jumysymen tanysty. Osydan keiin komissiia músheleri bir kún buryn apat oryn alǵan elektr stantsiiasyna bardy.
№1 energiia blogy toqtaǵan sátten bastap qazandyq salqyndatý protsesinde tur.
Óńir basshysy Nurlan Noǵaev energokombinatqa barǵan kezde apattyń saldary halyqqa áser etpegenin, alaida iri óndiristik kompaniialar ekonomikalyq shyǵynǵa ushyraǵanyn atap ótti.
– Mańǵystaý atom energetikalyq kombinatynyń aýmaǵynda úsh energiia quraýshy stantsiia (JES, JEO-1, JEO-2) bar, olardyń árqaisysy energiia bloktarynan turady. JES energiia bloktarynyń birinde jóndeý jumystary júrgizilýde, qalǵan ekeýi jumys istep tur.
Meniń tapsyrmam boiynsha óńirde apattyń sebebin anyqtaý úshin arnaiy komissiia quryldy. Apatty joiý úshin shuǵyl sharalar qabyldaý qajet. Bul jerde energiiany turǵyndarǵa berý boiynsha esh shekteý joq. Biraq apattyń saldary iri kásiporyndarǵa áser etýde. Mamandardyń aitýynsha, toq kózinen ajyratylǵan №1 energiia blogy jóndelgennen keiin tolyq kólemde iske qosylady, – dep atap ótti Nurlan Noǵaev.
