كوميسسييا قۇرامىنا ٶڭٸر باسشىسى نۇرلان نوعاەۆ, ماڭعىستاۋ وبلىسى ەكٸمٸنٸڭ بٸرٸنشٸ ورىنباسارى, اقتاۋ قالاسىنىڭ ەكٸمٸ, "ماەك" جشس باس ديرەكتورى,"مەك"اق باسقارما تٶراعاسى, اتوم جەنە ەنەرگەتيكالىق قاداعالاۋ جەنە باقىلاۋ كوميتەتٸنٸڭ ماڭعىستاۋ وبلىسى بويىنشا اۋماقتىق دەپارتامەنتٸنٸڭ باسشىلىعى كٸردٸ.
جۇمىس توبى ورتالىق ديسپەتچەرلٸك پۋنكتكە بارىپ, ەلەكتر گەنەراتسييالايتىن ورتالىقتىڭ جۇمىسىمەن تانىستى. وسىدان كەيٸن كوميسسييا مٷشەلەرٸ بٸر كٷن بۇرىن اپات ورىن العان ەلەكتر ستانتسيياسىنا باردى.
№1 ەنەرگييا بلوگى توقتاعان سەتتەن باستاپ قازاندىق سالقىنداتۋ پروتسەسٸندە تۇر.
ٶڭٸر باسشىسى نۇرلان نوعاەۆ ەنەرگوكومبيناتقا بارعان كەزدە اپاتتىڭ سالدارى حالىققا ەسەر ەتپەگەنٸن, الايدا ٸرٸ ٶندٸرٸستٸك كومپانييالار ەكونوميكالىق شىعىنعا ۇشىراعانىن اتاپ ٶتتٸ.
– ماڭعىستاۋ اتوم ەنەرگەتيكالىق كومبيناتىنىڭ اۋماعىندا ٷش ەنەرگييا قۇراۋشى ستانتسييا (جەس, جەو-1, جەو-2) بار, ولاردىڭ ەرقايسىسى ەنەرگييا بلوكتارىنان تۇرادى. جەس ەنەرگييا بلوكتارىنىڭ بٸرٸندە جٶندەۋ جۇمىستارى جٷرگٸزٸلۋدە, قالعان ەكەۋٸ جۇمىس ٸستەپ تۇر.
مەنٸڭ تاپسىرمام بويىنشا ٶڭٸردە اپاتتىڭ سەبەبٸن انىقتاۋ ٷشٸن ارنايى كوميسسييا قۇرىلدى. اپاتتى جويۋ ٷشٸن شۇعىل شارالار قابىلداۋ قاجەت. بۇل جەردە ەنەرگييانى تۇرعىندارعا بەرۋ بويىنشا ەش شەكتەۋ جوق. بٸراق اپاتتىڭ سالدارى ٸرٸ كەسٸپورىندارعا ەسەر ەتۋدە. مامانداردىڭ ايتۋىنشا, توق كٶزٸنەن اجىراتىلعان №1 ەنەرگييا بلوگى جٶندەلگەننەن كەيٸن تولىق كٶلەمدە ٸسكە قوسىلادى, – دەپ اتاپ ٶتتٸ نۇرلان نوعاەۆ.
