Baǵdarlamada aty-jóni atalsa da áldebir sebeptermen tizimnen túsip qalǵan Rinat Zaitov bul dodaǵa qatyspaǵanmen ózge aqyndar onyń ornyn joqtatqan joq.
Ańǵarǵan adamǵa astarly syn da, el tizginin ustaǵandar elep-eskerer usynys ta aityldy osy aitysta. Alamanǵa qatysqan 12 aqyn, 6 jup aýyl stadionyn lyqa toltyrǵan qaýymnyń aldynda óleń men jyrdy molynan tógiltti. Eki ainalym, 5 saǵat boiy toqtaýsyz aitysqan aqyndarǵa halyq ta qurmet-qoshemetin aiaǵan joq.
Dástúrli Aqsýat aitysynyń biylǵy stipendiiasy baianaýyldyń jaryq juldyzy Aspanbek Shuǵataevqa buiyrdy.
Ol endi jyl boiy aitys demeýshisinen ai saiyn 200 myń teńge shákirtaqy alyp otyrady.
ShQO Tarbaǵatai aýdanynda "Rýhani jańǵyrý" baǵdarlamasy aiasynda jyr alyptarynyń dúbirli dodasy óner súier qaýymdy tánti etti.
Jyr saiysyn Júrsin Erman júrgizdi.
Al qazylar alqasyna Qazaqstan Jazýshylar odaǵynyń tóraǵasy Ulyqbek Esdáýlet bastaǵan aqyn Serik Qaliev, Dáýletkerei Kápuly, Baýyrjan Qaliolla syndy aqyndar men Altynbek Qorazbaev syndy sazgerler tórelik etti.
Sýyryp salma aqyndar qoǵamdaǵy máselelerdi tilge tiek etip, túitkildi taqyryptardy qozǵai bildi. Qyrǵyzstan, Mońǵoliia, Qytai jáne elimizdiń ár túkpiren kelgen alty jup aqynnyń altaýy kelesi ainalymǵa ótti.
Sońǵy saiystyń alǵashqy juby bolyp shyqqan Aqsýattyń týmasy Rústem Qaiyrtaiuly men Jaiyqtyń Jansaia Mýsinasy baiaǵy dástúrlerinen jazbai qyz ben jigittiń aitysyn ádemi órip shyqty.
Sońǵy jup bolyp shyqqan syr súleii Muhtar Niiazov pen Qytaidan kelgen qandasymyz Erlan Amanqojaulynyń arasyndaǵy tartys qyzyqty ótti.
«Seniń tiliń shalquiryq, meniń tilimde shider bar» dep jyrlaǵan Erlanǵa osy aitystyń Bas júldesine tigilgen eki million teńge buiyrdy.
Birinshi oryn Qanatta, ekinshi, úshinshi oryndy Jansaia men Rústem enshiledi.
Al arnaiy júlde aqyn Muhtar Niiazov pen Arýna Kerimbekke tiesili boldy.
Dodanyń túiininde aitystyń bas demeýshisi Dýlat Tastekeev “Tarihqa toly Tarbaǵatai” almanahynyń tórtinshi tomyn tanystyryp, meimandarǵa syiǵa tartty. Kesh sońy “MýzART” tobynyń ánshileriniń ánshashýlarymen jáne otshashýmen aiaqtaldy.
https://www.youtube.com/watch?v=tM4YtShMPzo
https://www.youtube.com/watch?v=uyK9rVXkBaY
https://www.youtube.com/watch?v=gBfwFGM7fQA
