باعدارلامادا ءاتى-جونى اتالسا دا الدەبىر سەبەپتەرمەن تىزىمنەن ءتۇسىپ قالعان رينات زايتوۆ بۇل دوداعا قاتىسپاعانمەن وزگە اقىندار ونىڭ ورنىن جوقتاتقان جوق.
اڭعارعان ادامعا استارلى سىن دا، ەل تىزگىنىن ۇستاعاندار ەلەپ-ەسكەرەر ۇسىنىس تا ايتىلدى وسى ايتىستا. الامانعا قاتىسقان 12 اقىن، 6 جۇپ اۋىل ستاديونىن لىقا تولتىرعان قاۋىمنىڭ الدىندا ولەڭ مەن جىردى مولىنان توگىلتتى. ەكى اينالىم، 5 ساعات بويى توقتاۋسىز ايتىسقان اقىندارعا حالىق تا قۇرمەت-قوشەمەتىن اياعان جوق.
ءداستۇرلى اقسۋات ايتىسىنىڭ بيىلعى ستيپەندياسى باياناۋىلدىڭ جارىق جۇلدىزى اسپانبەك شۇعاتايەۆقا بۇيىردى.
ول ەندى جىل بويى ايتىس دەمەۋشىسىنەن اي سايىن 200 مىڭ تەڭگە شاكىرتاقى الىپ وتىرادى.
شقو تارباعاتاي اۋدانىندا "رۋحاني جاڭعىرۋ" باعدارلاماسى اياسىندا جىر الىپتارىنىڭ ءدۇبىرلى دوداسى ونەر سۇيەر قاۋىمدى ءتانتى ەتتى.
جىر سايىسىن ءجۇرسىن ەرمان جۇرگىزدى.
ال قازىلار القاسىنا قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت باستاعان اقىن سەرىك قالييەۆ، داۋلەتكەرەي كاپ ۇلى، باۋىرجان قاليوللا سىندى اقىندار مەن التىنبەك قورازبايەۆ سىندى سازگەرلەر تورەلىك ەتتى.
سۋىرىپ سالما اقىندار قوعامداعى ماسەلەلەردى تىلگە تيەك ەتىپ، تۇيتكىلدى تاقىرىپتاردى قوزعاي ءبىلدى. قىرعىزستان، موڭعوليا، جۇڭگو جانە ەلىمىزدىڭ ءار تۇكپىرەن كەلگەن التى جۇپ اقىننىڭ التاۋى كەلەسى اينالىمعا ءوتتى.
سوڭعى سايىستىڭ العاشقى جۇبى بولىپ شىققان اقسۋاتتىڭ تۋماسى رۇستەم قايىرتاي ۇلى مەن جايىقتىڭ جانسايا مۋسيناسى باياعى داستۇرلەرىنەن جازباي قىز بەن جىگىتتىڭ ايتىسىن ادەمى ءورىپ شىقتى.
سوڭعى جۇپ بولىپ شىققان سىر سۇلەيى مۇحتار نيازوۆ پەن قىتايدان كەلگەن قانداسىمىز ەرلان امانقوجا ۇلىنىڭ اراسىنداعى تارتىس قىزىقتى ءوتتى.
«سەنىڭ ءتىلىڭ شالقۇيرىق، مەنىڭ تىلىمدە شىدەر بار» دەپ جىرلاعان ەرلانعا وسى ايتىستىڭ باس جۇلدەسىنە تىگىلگەن ەكى ميلليون تەڭگە بۇيىردى.
ءبىرىنشى ورىن قاناتتا، ەكىنشى، ءۇشىنشى ورىندى جانسايا مەن رۇستەم ەنشىلەدى.
ال ارنايى جۇلدە اقىن مۇحتار نيازوۆ پەن ارۋنا كەرىمبەككە تيەسىلى بولدى.
دودانىڭ تۇيىنىندە ايتىستىڭ باس دەمەۋشىسى دۋلات تاستەكەيەۆ “تاريحقا تولى تارباعاتاي” الماناحىنىڭ ءتورتىنشى تومىن تانىستىرىپ، مەيماندارعا سىيعا تارتتى. كەش سوڭى “مۋزارت” توبىنىڭ انشىلەرىنىڭ انشاشۋلارىمەن جانە وتشاشۋمەن اياقتالدى.
https://www.youtube.com/watch؟v=tM4YtShMPzo
https://www.youtube.com/watch؟v=uyK9rVXkBaY
https://www.youtube.com/watch؟v=gBfwFGM7fQA
