Atyraýdaǵy "Abyroi Avto" avtosalony 120-dan astam klientti aldap soqty. Salon qyzmetkerleri avtokólikti tiimdi satý men 10 kún ishinde aqshany qaitarýǵa ýáde bergen, biraq mashinalar joǵalyp, al tólemder áli de berilmegen. Zardap shekkenderdiń aitýynsha, avtosalon kólikti óz atyna rásimdep, ony basqa aimaqtarǵa — Aqtóbe, Shymkent jáne batys óńirlerge qaita satyp jibergen, dep habarlaidy Dalanews.kz.
"Olar 10 kúnde barlyq somany qaitaramyz" dep sendirdi. Biraq birneshe ai ótti, mashina basqa qalaǵa ketken, al maǵan "kút" deýmen keledi", dep Atyrau Today klinetterdiń biriniń sózin keltiredi.
Shamamen ziian kólemi júzdegen million teńgege jetýi múmkin. Kóptegen adam otbasylary úshin mańyzdy satyp alý bolǵan jalǵyz kóliginen osylaisha aiyrylyp, politsiiaǵa birlesip aryzdanýǵa májbúr boldy. Olar ádil tergeýdi talap etýde.
"Qazirgi ýaqytta avtosalon ǵimaratyna qulyp salynyp, jumysyna tyiym salyndy. Ieleri ustaldy. "Alaiaqtyq" babymen qylmystyq is qozǵaldy. Politsiia ziian kólemin anyqtap, basqa adamdardyń qatystylyǵyn tekserýde", delingen óńirlik PD túsiniktemesinde.
Buǵan deiin áleýmettik jelide tarap jatqan jeńildetilgen avtonesieleý baǵdarlamasynyń jańartylǵany týraly aqparat feik ekenin eskertkenbiz.
