Almaty oblysy Jambyl aýdany Beriktas aýylynda oqýshy qaza tapty. Qaıǵyly oqıǵa úsh kún buryn bolǵan, dep habarlaıdy Dalanews.kz.
Aldyn ala málimetke sáıkes, eki oqýshy bir balany soqqyǵa jyqqan, saldarynan jasóspirim kóz jumǵan. Oqıǵanyń aqshalaı kelispeýshilik saldarynan týyndaýy múmkin ekeni aıtylady.
Taraǵan aqparatqa súıensek, janjaldan keıin kúdiktiler balany kólikke otyrǵyzyp, biraz ýaqyt alyp júrgen. Alaıda onyń ómirin saqtap qalý múmkin bolmaǵan. Oqıǵa ornynda marqumnyń aǵasy da bolǵany týraly aqparat tarady.
Qazirgi tańda atalǵan derekke baılanysty quzyrly organdar tergeý amaldaryn bastady. Oqıǵanyń naqty mán-jaıy men sebepteri anyqtalyp jatyr.
