AQSH prezıdentiniń baspasóz hatshysy shtattar Reseımen soǵysqa "chek shyǵarýdy" toqtatatynyn aıtty, - dep habaralaıdy Dalanews.kz.
Fox News arnasynyń efırinde Donald Tramptyń baspasóz hatshysy Kerolaın Levıtt AQSH beıbit kelissózderge basymdyq beretinin málimdedi.
"Tramp ákimshiligi Ýkraınadaǵy qaqtyǵysty qarjylandyrýdy toqtatady, óıtkeni beıbit kelissózderge basymdyq beriledi", - dedi Kerolaın Levıtt.
Tramp ákimshiliginiń baspasóz hatshysynyń aıtýynsha, Zelenskıı qarym-qatynasyn ózgertýi kerek, áıtpese "ol múldem mámile jasaı almaıdy".
Aq úıdegi daý
Ýkraına prezıdenti Vladımır Zelenskıı, Amerıka prezıdenti Donald Tramp jáne AQSH vıse-prezıdenti Djeı Dı Vens arasyndaǵy Aq úıdegi kezdesýde qyzý daý týdy.
Vladımır Zelenskıı Reseı prezıdenti Vladımır Pýtın kelissóz júrgizýde dármensizdik kórsetkenin aıtyp, 2014 jyldan beri onyń áreketine eshkim toqtaý bola almaǵanyn eske saldy.
"Adamdardy qyrdy. Ony eshkim toqtatqan joq. Aramyzda kóp áńgime boldy. Men atysty toqtatý týraly kelisimge qol qoıdym, bári ári qaraı eshkim jalǵastyrmaıtynyna sendirdi... Munda qandaı dıplomatıa kómektesedi?" - dedi ol.
AQSH vıse-prezıdenti Djeı Dı Vens maıdanda Ýkraınada er adamdar jetispeıtinin aıtty. Zelenskıı buǵan jaýap retinde onyń Ýkraınada bolmaǵanyn jáne soǵys kezinde barlyq elde, tipti AQSH-ta da osyndaı problemalar bolatynyn aıtty. Buǵan Tramp aralasyp, Zelenskıı "muny bile almaıtynyn" málimdegen.
"Bizge ne sezetinimizdi aıtpańyz. Biz sizderdiń máselelerińizdi sheshýge tyrysyp jatyrmyz. Óz pozısıańyzdy tańýdyń qajeti joq. Bizge buıyrýǵa qaqyńyz joq", - dedi Tramp.
Tramp Zelenskıı AQSH-qa rızashylyq bildirýi kerek ekenin jetkizdi, óıtkeni onyń sózinshe, Ýkraınanyń qolynda Vashıngtonǵa óz sharttaryn aıtatyndaı "durys kartalar joq". Buǵan jaýap retinde Ýkraına prezıdenti Amerıka Qurama Shtattaryna "karta oınaýǵa kelmegenin" málimdedi.
Bul odan ári daý týdyrǵan. Tramp Zelenskııdi Amerıkany qurmettemedi dep aıyptap, Kıevtiń jaǵdaıy aýyr ekenin jáne Reseımen soǵysta sátsizdikke ushyraǵanyn jetkizdi. Onyń aıtýynsha, Zelenskıı mıllıondaǵan adamnyń ómirine qaýip tóndirip, úshinshi dúnıejúzilik soǵys bastalýyna sebep bolýy múmkin. Zelenskıı atysty toqtatýǵa áli daıyn emes ekenin málimdegen kezde Tramp Ýkraınada sarbazdar taýsylyp jatqanyn basa aıtqan.
"Ne mámile jasaısyzdar, ne biz ketemiz. Al biz ketsek, sizder kúresti sońyna deıin jetkizesizder. Meniń oıymsha, bul jaqsy bolmaıdy", - dedi Tramp.
Zelenskııdiń AQSH-qa sapary
2025 jyly 28 aqpanda Ýkraına prezıdenti Vladımır Zelenskıı AQSH-qa resmı saparmen bardy. Onyń ushaǵy Joint Base Andrews áýe bazasyna qondy. Vladımır Zelenskıı AQSH prezıdenti Donald Tramppen kezdesip, kezdesý barysynda eki eldiń basshylary sırek kezdesetin metaldar týraly kelisimge qol qoıady dep kútildi.
Al AQSH prezıdenti Donald Tramp buǵan deıin Ýkraına prezıdenti Vladımır Zelenskıı Aq úıge28 aqpanda AQSH-qa Ýkraınanyń tabıǵı resýrstaryna quqyq beretin kelisimge qol qoıý úshinkeletinin aıtty.
