اقش پرەزيدەنتىنىڭ باسپا ءسوز حاتشىسى شتاتتار رەسەيمەن سوعىسقا "چەك شىعارۋدى" توقتاتاتىنىن ايتتى، - دەپ حابارالايدى Dalanews.kz.
Fox News ارناسىنىڭ ەفيرىندە دونالد ترامپتىڭ باسپا ءسوز حاتشىسى كەرولاين ليەۆيتت اقش بەيبىت كەلىسسوزدەرگە باسىمدىق بەرەتىنىن مالىمدەدى.
"ترامپ اكىمشىلىگى ۋكرايناداعى قاقتىعىستى قارجىلاندىرۋدى توقتاتادى، ويتكەنى بەيبىت كەلىسسوزدەرگە باسىمدىق بەرىلەدى"، - دەدى كەرولاين ليەۆيتت.
ترامپ اكىمشىلىگىنىڭ باسپا ءسوز حاتشىسىنىڭ ايتۋىنشا، زەلەنسكيي قارىم-قاتىناسىن وزگەرتۋى كەرەك، ايتپەسە "ول مۇلدەم مامىلە جاساي المايدى".
اق ۇيدەگى داۋ
ۋكراينا پرەزيدەنتى ۆلاديمير زەلەنسكيي، امەريكا پرەزيدەنتى دونالد ترامپ جانە اقش ۆيسە-پرەزيدەنتى دجەي دي ۆەنس اراسىنداعى اق ۇيدەگى كەزدەسۋدە قىزۋ داۋ تۋدى.
ۆلاديمير زەلەنسكيي رەسەي پرەزيدەنتى ۆلاديمير پۋتين كەلىسسوز جۇرگىزۋدە دارمەنسىزدىك كورسەتكەنىن ايتىپ، 2014 جىلدان بەرى ونىڭ ارەكەتىنە ەشكىم توقتاۋ بولا الماعانىن ەسكە سالدى.
"ادامداردى قىردى. ونى ەشكىم توقتاتقان جوق. ارامىزدا كوپ اڭگىمە بولدى. مەن اتىستى توقتاتۋ تۋرالى كەلىسىمگە قول قويدىم، ءبارى ءارى قاراي ەشكىم جالعاستىرمايتىنىنا سەندىردى... مۇندا قانداي ديپلوماتيا كومەكتەسەدى؟" - دەدى ول.
اقش ۆيسە-پرەزيدەنتى دجەي دي ۆەنس مايداندا ۋكراينادا ەر ادامدار جەتىسپەيتىنىن ايتتى. زەلەنسكيي بۇعان جاۋاپ رەتىندە ونىڭ ۋكراينادا بولماعانىن جانە سوعىس كەزىندە بارلىق ەلدە، ءتىپتى اقش-تا دا وسىنداي پروبلەمالار بولاتىنىن ايتتى. بۇعان ترامپ ارالاسىپ، زەلەنسكيي "مۇنى بىلە المايتىنىن" مالىمدەگەن.
"بىزگە نە سەزەتىنىمىزدى ايتپاڭىز. ءبىز سىزدەردىڭ ماسەلەلەرىڭىزدى شەشۋگە تىرىسىپ جاتىرمىز. ءوز پوزيسياڭىزدى تاڭۋدىڭ قاجەتى جوق. بىزگە بۇيىرۋعا قاقىڭىز جوق"، - دەدى ترامپ.
ترامپ زەلەنسكيي اقش-قا ريزاشىلىق ءبىلدىرۋى كەرەك ەكەنىن جەتكىزدى، ويتكەنى ونىڭ سوزىنشە، ۋكراينانىڭ قولىندا ۆاشينگتونعا ءوز شارتتارىن ايتاتىنداي "دۇرىس كارتالار جوق". بۇعان جاۋاپ رەتىندە ۋكراينا پرەزيدەنتى امەريكا قۇراما شتاتتارىنا "كارتا ويناۋعا كەلمەگەنىن" مالىمدەدى.
بۇل ودان ءارى داۋ تۋدىرعان. ترامپ زەلەنسكييدى امەريكانى قۇرمەتتەمەدى دەپ ايىپتاپ، كييەۆتىڭ جاعدايى اۋىر ەكەنىن جانە رەسەيمەن سوعىستا ساتسىزدىككە ۇشىراعانىن جەتكىزدى. ونىڭ ايتۋىنشا، زەلەنسكيي ميلليونداعان ادامنىڭ ومىرىنە ءقاۋىپ ءتوندىرىپ، ءۇشىنشى دۇنيەجۇزىلىك سوعىس باستالۋىنا سەبەپ بولۋى مۇمكىن. زەلەنسكيي اتىستى توقتاتۋعا ءالى دايىن ەمەس ەكەنىن مالىمدەگەن كەزدە ترامپ ۋكراينادا ساربازدار تاۋسىلىپ جاتقانىن باسا ايتقان.
"نە مامىلە جاسايسىزدار، نە ءبىز كەتەمىز. ال ءبىز كەتسەك، سىزدەر كۇرەستى سوڭىنا دەيىن جەتكىزەسىزدەر. مەنىڭ ويىمشا، بۇل جاقسى بولمايدى"، - دەدى ترامپ.
زەلەنسكييدىڭ اقش-قا ساپارى
2025 جىلى 28 اقپاندا ۋكراينا پرەزيدەنتى ۆلاديمير زەلەنسكيي اقش-قا رەسمي ساپارمەن باردى. ونىڭ ۇشاعى Joint Base Andrews اۋە بازاسىنا قوندى. ۆلاديمير زەلەنسكيي اقش پرەزيدەنتى دونالد ترامپپەن كەزدەسىپ، كەزدەسۋ بارىسىندا ەكى ەلدىڭ باسشىلارى سيرەك كەزدەسەتىن مەتالدار تۋرالى كەلىسىمگە قول قويادى دەپ كۇتىلدى.
ال اقش پرەزيدەنتى دونالد ترامپ بۇعان دەيىن ۋكراينا پرەزيدەنتى ۆلاديمير زەلەنسكيي اق ۇيگە28 اقپاندا اقش-قا ۋكراينانىڭ تابيعي رەسۋرستارىنا قۇقىق بەرەتىن كەلىسىمگە قول قويۋ ءۇشىنكەلەتىنىن ايتتى.
