Venesýelanyń ishki ister ministri Diosdado Kabelo AQSh júrgizgen operatsiia saldarynan keminde 100 adam qaza tapqanyn málimdedi, dep habarlaidy Dalanews.kz.
Buǵan deiin Karakas biligi qaza tapqandardyń jalpy sanyn jariialamaǵan edi. Alaida Venesýela armiiasy shabýyl kezinde mert bolǵan 23 áskeri qyzmetkerdiń tizimin jariialady. Reuters agenttiginiń jazýynsha, venesýelalyq resmi tulǵalar Madýrony kúzetken qaýipsizdik qyzmetiniń edáýir bóligi «aiaýsyz túrde atylyp óltirilgenin» málimdegen.
Sonymen qatar Kýba biligi Venesýela aýmaǵynda bolǵan kýbalyq áskeri qyzmetkerler men barlaý ókilderiniń qaza tapqanyn habarlady. Kabelonyń aitýynsha, reid kezinde Madýromen birge ustalǵan onyń jubaiy Siliia Flores basynan jaraqat alǵan, al Madýronyń aiaǵy zaqymdanǵan.
Memlekettik telearnadaǵy apta saiynǵy baǵdarlamasynda Kabelo bilik ókilderin «batyl» dep atap, seisenbi kúni Venesýela biligi reid barysynda qaza tapqan áskeri qyzmetkerlerge bailanysty bir aptalyq aza tutý jariialaǵanyn málimdedi.
Eske salaiyq, 3 qańtar kúni Nikolas Madýro men onyń jubaiy AQSh arnaiy jasaǵy júrgizgen operatsiia barysynda ustalǵan. Aldymen olar AQSh-tyń Gýantanamodaǵy áskeri bazasyna jetkizilip, keiin Niý-Iork qalasyna jóneltilgen.
