ۆەنەسۋەلانىڭ ٸشكٸ ٸستەر مينيسترٸ ديوسدادو كابەلو اقش جٷرگٸزگەن وپەراتسييا سالدارىنان كەمٸندە 100 ادام قازا تاپقانىن مەلٸمدەدٸ, دەپ حابارلايدى Dalanews.kz.
بۇعان دەيٸن كاراكاس بيلٸگٸ قازا تاپقانداردىڭ جالپى سانىن جارييالاماعان ەدٸ. الايدا ۆەنەسۋەلا ارميياسى شابۋىل كەزٸندە مەرت بولعان 23 ەسكەري قىزمەتكەردٸڭ تٸزٸمٸن جارييالادى. Reuters اگەنتتٸگٸنٸڭ جازۋىنشا, ۆەنەسۋەلالىق رەسمي تۇلعالار مادۋرونى كٷزەتكەن قاۋٸپسٸزدٸك قىزمەتٸنٸڭ ەدەۋٸر بٶلٸگٸ «اياۋسىز تٷردە اتىلىپ ٶلتٸرٸلگەنٸن» مەلٸمدەگەن.
سونىمەن قاتار كۋبا بيلٸگٸ ۆەنەسۋەلا اۋماعىندا بولعان كۋبالىق ەسكەري قىزمەتكەرلەر مەن بارلاۋ ٶكٸلدەرٸنٸڭ قازا تاپقانىن حابارلادى. كابەلونىڭ ايتۋىنشا, رەيد كەزٸندە مادۋرومەن بٸرگە ۇستالعان ونىڭ جۇبايى سيلييا فلورەس باسىنان جاراقات العان, ال مادۋرونىڭ اياعى زاقىمدانعان.
مەملەكەتتٸك تەلەارناداعى اپتا سايىنعى باعدارلاماسىندا كابەلو بيلٸك ٶكٸلدەرٸن «باتىل» دەپ اتاپ, سەيسەنبٸ كٷنٸ ۆەنەسۋەلا بيلٸگٸ رەيد بارىسىندا قازا تاپقان ەسكەري قىزمەتكەرلەرگە بايلانىستى بٸر اپتالىق ازا تۇتۋ جارييالاعانىن مەلٸمدەدٸ.
ەسكە سالايىق, 3 قاڭتار كٷنٸ نيكولاس مادۋرو مەن ونىڭ جۇبايى اقش ارنايى جاساعى جٷرگٸزگەن وپەراتسييا بارىسىندا ۇستالعان. الدىمەن ولار اقش-تىڭ گۋانتاناموداعى ەسكەري بازاسىنا جەتكٸزٸلٸپ, كەيٸن نيۋ-يورك قالاسىنا جٶنەلتٸلگەن.
