Kentýkkidegi Konsýldyq ortalyq AQSh-tyń Immigratsiia jáne azamattyq týraly zańy aiasynda ótkiziletin DV-2025 vizalyq lotereiasynyń jeńimpazdaryn jariialady. Bul lotereia jeńimpazdarǵa Green Card (turaqty turýǵa ruqsat) alýǵa múmkindik beredi, dep habarlaidy Dalanews.kz.
Jeńimpazdar tizimin Ózbekstan bastap tur – 5 564 ózbekstandyq Green Card utyp alǵan. Qyrǵyzstannan 3 095 adam jeńimpaz atansa, Qazaqstannan bar bolǵany 2 004 azamatqa ǵana kvota berilgen.
Baǵdarlama jyl saiyn AQSh-qa kóshi-qon deńgeii tómen elderdiń azamattaryna 55 myńǵa deiin turaqty turý vizasyn usynady. Biyl shamamen 131 myń úmitker tańdalyp, endi olar immigratsiialyq vizaǵa ótinish bere alady.
Bul baǵdarlama AQSh-taǵy kóshi-qon aǵynyn ártaraptandyrýǵa baǵyttalǵan. Jeńimpazdar 2025 jyldyń 30 qyrkúiegine deiin áńgimelesýden ótip, qajetti qujattaryn rásimdeýi tiis.
2025 jylǵy lotereiadan sońǵy bes jylda AQSh-qa 50 myńnan astam azamaty qonys aýdarǵan elderdiń turǵyndary avtomatty túrde alynyp tastalǵan.
