كەنتۋككيدەگٸ كونسۋلدىق ورتالىق اقش-تىڭ يمميگراتسييا جەنە ازاماتتىق تۋرالى زاڭى اياسىندا ٶتكٸزٸلەتٸن DV-2025 ۆيزالىق لوتەرەياسىنىڭ جەڭٸمپازدارىن جارييالادى. بۇل لوتەرەيا جەڭٸمپازدارعا Green Card (تۇراقتى تۇرۋعا رۇقسات) الۋعا مٷمكٸندٸك بەرەدٸ, دەپ حابارلايدى Dalanews.kz.
جەڭٸمپازدار تٸزٸمٸن ٶزبەكستان باستاپ تۇر – 5 564 ٶزبەكستاندىق Green Card ۇتىپ العان. قىرعىزستاننان 3 095 ادام جەڭٸمپاز اتانسا, قازاقستاننان بار بولعانى 2 004 ازاماتقا عانا كۆوتا بەرٸلگەن.
باعدارلاما جىل سايىن اقش-قا كٶشٸ-قون دەڭگەيٸ تٶمەن ەلدەردٸڭ ازاماتتارىنا 55 مىڭعا دەيٸن تۇراقتى تۇرۋ ۆيزاسىن ۇسىنادى. بيىل شامامەن 131 مىڭ ٷمٸتكەر تاڭدالىپ, ەندٸ ولار يمميگراتسييالىق ۆيزاعا ٶتٸنٸش بەرە الادى.
بۇل باعدارلاما اقش-تاعى كٶشٸ-قون اعىنىن ەرتاراپتاندىرۋعا باعىتتالعان. جەڭٸمپازدار 2025 جىلدىڭ 30 قىركٷيەگٸنە دەيٸن ەڭگٸمەلەسۋدەن ٶتٸپ, قاجەتتٸ قۇجاتتارىن رەسٸمدەۋٸ تيٸس.
2025 جىلعى لوتەرەيادان سوڭعى بەس جىلدا اقش-قا 50 مىڭنان استام ازاماتى قونىس اۋدارعان ەلدەردٸڭ تۇرعىندارى اۆتوماتتى تٷردە الىنىپ تاستالعان.
