AQSh-tyń Ishki qaýipsizdik ministrligi elden óz erkimen ketetin migranttarǵa beriletin járdemaqyny úsh ese ulǵaitty. Endi jyl sońyna deiin arnaiy CBP Home qosymshasy arqyly tirkelgen azamattar 3 myń dollar kóleminde qarjylai tólem men tegin áýe biletin ala alady, dep habarlaidy Dalanews.kz.
Baǵdarlamaǵa qatysýshylar elden ketý merzimin buzǵany úshin qarastyrylǵan azamattyq aiyppuldardan bosatylady. Vedomstvo málimetinshe, 2025 jyldyń basynan beri 1,9 million adam osy tetik arqyly AQSh aýmaǵynan óz erkimen ketken.
Ishki qaýipsizdik ministri Kristi Noem atalǵan aktsiia aiaqtalǵannan keiin elde zańsyz júrgen migranttardy izdep taýyp, májbúrli túrde deportatsiialaý sharalary kúsheitiletinin málimdedi.
Aita keteiik, "óz erkimen elden ketý" baǵdarlamasyn kóktemde AQSh prezidenti Donald Tramp jariialaǵan bolatyn. Onyń aitýynsha, bir adamdy májbúrli túrde deportatsiialaý AQSh biýdjetine shamamen 17 myń dollar shyǵyn keltiredi. Osy sebepti bilik erikti túrde ketý tetigin ekonomikalyq turǵyda tiimdi sheshim retinde qarastyryp otyr.
