اقش-تىڭ ٸشكٸ قاۋٸپسٸزدٸك مينيسترلٸگٸ ەلدەن ٶز ەركٸمەن كەتەتٸن ميگرانتتارعا بەرٸلەتٸن جەردەماقىنى ٷش ەسە ۇلعايتتى. ەندٸ جىل سوڭىنا دەيٸن ارنايى CBP Home قوسىمشاسى ارقىلى تٸركەلگەن ازاماتتار 3 مىڭ دوللار كٶلەمٸندە قارجىلاي تٶلەم مەن تەگٸن ەۋە بيلەتٸن الا الادى, دەپ حابارلايدى Dalanews.kz.
باعدارلاماعا قاتىسۋشىلار ەلدەن كەتۋ مەرزٸمٸن بۇزعانى ٷشٸن قاراستىرىلعان ازاماتتىق ايىپپۇلداردان بوساتىلادى. ۆەدومستۆو مەلٸمەتٸنشە, 2025 جىلدىڭ باسىنان بەرٸ 1,9 ميلليون ادام وسى تەتٸك ارقىلى اقش اۋماعىنان ٶز ەركٸمەن كەتكەن.
ٸشكٸ قاۋٸپسٸزدٸك مينيسترٸ كريستي نوەم اتالعان اكتسييا اياقتالعاننان كەيٸن ەلدە زاڭسىز جٷرگەن ميگرانتتاردى ٸزدەپ تاۋىپ, مەجبٷرلٸ تٷردە دەپورتاتسييالاۋ شارالارى كٷشەيتٸلەتٸنٸن مەلٸمدەدٸ.
ايتا كەتەيٸك, "ٶز ەركٸمەن ەلدەن كەتۋ" باعدارلاماسىن كٶكتەمدە اقش پرەزيدەنتٸ دونالد ترامپ جارييالاعان بولاتىن. ونىڭ ايتۋىنشا, بٸر ادامدى مەجبٷرلٸ تٷردە دەپورتاتسييالاۋ اقش بيۋدجەتٸنە شامامەن 17 مىڭ دوللار شىعىن كەلتٸرەدٸ. وسى سەبەپتٸ بيلٸك ەرٸكتٸ تٷردە كەتۋ تەتٸگٸن ەكونوميكالىق تۇرعىدا تيٸمدٸ شەشٸم رەتٸندە قاراستىرىپ وتىر.
