Memleket basshysy Qasym-Jomart Toqaev AQSh-tyń Qazaqstandaǵy elshisi Djýli Stafftty qabyldady, dep habarlaidy Dala News.
Aqordanyń málimetinshe, kezdesý barysynda Prezident Qazaqstan men Amerika Qurama Shtattary arasyndaǵy ekijaqty yntymaqtastyqtyń qarqyndy damyp kele jatqanyn atap ótti. Memleket basshysy saýda-ekonomikalyq jáne investitsiialyq bailanystardy odan ári nyǵaitý, sondai-aq joǵary deńgeide qol jetkizilgen kelisimderdi sapaly iske asyrýdyń mańyzyn aitty.
Óz kezeginde Djýli Stafft AQSh Prezidenti Donald Tramptyń rizashylyǵy men izgi tilegin jetkizip, Qurama Shtattardyń Qazaqstanmen keńeitilgen strategiialyq seriktestikti jan-jaqty damytýǵa nietti ekenin málimdedi.
Elshi Qazaqstanda júzege asyrylyp jatqan saiasi reformalardy joǵary baǵalap, jańa Konstitýtsiia jobasy boiynsha jalpyhalyqtyq referendýmnyń tabysty ótýine tilektestigin bildirdi.
Sondai-aq taraptar Beibitshilik keńesi aiasyndaǵy ózara is-qimyl perspektivalaryn talqylady. Qasym-Jomart Toqaev bul qurylym halyqaralyq turaqtylyqty nyǵaitýǵa, beibitshilik pen dialogty ilgeriletýge arnalǵan tiimdi alańǵa ainalýy tiis ekenin aitty.
