مەملەكەت باسشىسى قاسىم-جومارت توقايەۆ اقش-تىڭ قازاقستانداعى ەلشىسى دجۋلي ستاففتتى قابىلدادى، دەپ حابارلايدى Dala News.
اقوردانىڭ مالىمەتىنشە، كەزدەسۋ بارىسىندا پرەزيدەنت قازاقستان مەن امەريكا قۇراما شتاتتارى اراسىنداعى ەكىجاقتى ىنتىماقتاستىقتىڭ قارقىندى دامىپ كەلە جاتقانىن اتاپ ءوتتى. مەملەكەت باسشىسى ساۋدا-ەكونوميكالىق جانە ينۆەستيسيالىق بايلانىستاردى ودان ءارى نىعايتۋ، سونداي-اق جوعارى دەڭگەيدە قول جەتكىزىلگەن كەلىسىمدەردى ساپالى ىسكە اسىرۋدىڭ ماڭىزىن ايتتى.
ءوز كەزەگىندە دجۋلي ستاففت اقش پرەزيدەنتى دونالد ترامپتىڭ ريزاشىلىعى مەن ىزگى تىلەگىن جەتكىزىپ، قۇراما شتاتتاردىڭ قازاقستانمەن كەڭەيتىلگەن ستراتەگيالىق سەرىكتەستىكتى جان-جاقتى دامىتۋعا نيەتتى ەكەنىن مالىمدەدى.
ەلشى قازاقستاندا جۇزەگە اسىرىلىپ جاتقان ساياسي رەفورمالاردى جوعارى باعالاپ، جاڭا كونستيتۋسيا جوباسى بويىنشا جالپىحالىقتىق رەفەرەندۋمنىڭ تابىستى وتۋىنە تىلەكتەستىگىن ءبىلدىردى.
سونداي-اق تاراپتار بەيبىتشىلىك كەڭەسى اياسىنداعى ءوزارا ءىس-قيمىل پەرسپەكتيۆالارىن تالقىلادى. قاسىم-جومارت توقايەۆ بۇل قۇرىلىم حالىقارالىق تۇراقتىلىقتى نىعايتۋعا، بەيبىتشىلىك پەن ديالوگتى ىلگەرىلەتۋگە ارنالعان ءتيىمدى الاڭعا اينالۋى ءتيىس ەكەنىن ايتتى.
