Áleýmettik jelilerde bala kezinde amerikalyq otbasy asyrap alǵan qazaqstandyq jigit biologiialyq ata-anasyn izdeitini týraly jazba tarady. Habarlamany onyń jubaiy Kazakh American Association qaýymdastyǵynyń Facebook paraqshasynda jariialaǵan, dep habarlaidy Dalanews.kz.
Jazba avtorynyń aitýynsha, jubaiynyń esimi - Nikolas Pikkolo. Ol 1998 jyly 26 qarashada Qaraǵandyda dúniege kelgen. Týǵan kezde oǵan Rýslan Ómirzaqov degen esim berilgen.
Jubaiy Shanel Pikkolonyń sózinshe, Nikolas kishkentai kezinde Qaraǵandydaǵy "Maliýtka" balalar úiinde tárbielengen. Kei derekterde bul mekeme "Shapaǵat" ataýymen belgili bolýy múmkin, alaida otbasy bul aqparatty naqty bilmeidi.
Bala asyrap alý rásimi 2003 jylǵy 19 qańtarda ótkeni ǵana belgili.
Otbasy er adamnyń ótken ómiri týraly málimet óte az saqtalǵanyn aitady.
Onyń jubaiy bul iske kómektese alatyn kez kelgen adamǵa alǵys bildiretinin aityp, qandai da bir aqparat biletin jandardan ózderine habarlasýdy suraǵan.
