ەلەۋمەتتٸك جەلٸلەردە بالا كەزٸندە امەريكالىق وتباسى اسىراپ العان قازاقستاندىق جٸگٸت بيولوگييالىق اتا-اناسىن ٸزدەيتٸنٸ تۋرالى جازبا تارادى. حابارلامانى ونىڭ جۇبايى Kazakh American Association قاۋىمداستىعىنىڭ Facebook پاراقشاسىندا جارييالاعان, دەپ حابارلايدى Dalanews.kz.
جازبا اۆتورىنىڭ ايتۋىنشا, جۇبايىنىڭ ەسٸمٸ - نيكولاس پيككولو. ول 1998 جىلى 26 قاراشادا قاراعاندىدا دٷنيەگە كەلگەن. تۋعان كەزدە وعان رۋسلان ٶمٸرزاقوۆ دەگەن ەسٸم بەرٸلگەن.
جۇبايى شانەل پيككولونىڭ سٶزٸنشە, نيكولاس كٸشكەنتاي كەزٸندە قاراعاندىداعى "ماليۋتكا" بالالار ٷيٸندە تەربيەلەنگەن. كەي دەرەكتەردە بۇل مەكەمە "شاپاعات" اتاۋىمەن بەلگٸلٸ بولۋى مٷمكٸن, الايدا وتباسى بۇل اقپاراتتى ناقتى بٸلمەيدٸ.
بالا اسىراپ الۋ رەسٸمٸ 2003 جىلعى 19 قاڭتاردا ٶتكەنٸ عانا بەلگٸلٸ.
وتباسى ەر ادامنىڭ ٶتكەن ٶمٸرٸ تۋرالى مەلٸمەت ٶتە از ساقتالعانىن ايتادى.
ونىڭ جۇبايى بۇل ٸسكە كٶمەكتەسە الاتىن كەز كەلگەن ادامعا العىس بٸلدٸرەتٸنٸن ايتىپ, قانداي دا بٸر اقپارات بٸلەتٸن جانداردان ٶزدەرٸنە حابارلاسۋدى سۇراعان.
