Qazaqstan premer-mınıstri Oljas Bektenov aqparattyq qaýipsizdikti kúsheıtý jónindegi top qurýdy tapsyrdy, dep habarlaıdy Dalanews.kz.

1. Aqparattyq keńistiktiń qaýipsizdigin kúsheıtý jónindegi usynystar men usynymdardy ázirleý úshin vedomstvoaralyq jumys tobyn (budan ári – jumys toby) osy ókimge qosymshada kórsetilgen quramda qurý.

2. Jumys toby 2025 jylǵy 31 qazanǵa deıingi merzimde Qazaqstan Respýblıkasy Úkimeti Apparatyna aqparattyq keńistiktiń qaýipsizdigin kúsheıtý jónindegi usynystar men usynymdardy daıyndap, usynýy tıis.

3. Osy ókimniń oryndalýyn baqylaý Qazaqstan Respýblıkasy Premer-mınıstriniń orynbasary E.B. Kósherbaevqa júktelsin, – delingen Bektenovtiń ókiminde.

Qujatpen aqparattyq keńistiktiń qaýipsizdigin kúsheıtý jónindegi usynystar men usynymdardy ázirleý úshin qurylǵan vedomstvoaralyq jumys tobynyń kelesi quramy bekitildi:

• Premer-mınıstrdiń orynbasary – top jetekshisi;

• Mádenıet jáne aqparat mınıstri – top jetekshisiniń orynbasary;

• Mádenıet jáne aqparat vıse-mınıstri – top hatshysy;

• Ulttyq qaýipsizdik komıteti tóraǵasynyń orynbasary (kelisim boıynsha);

• Qarjylyq monıtorıń agenttigi tóraǵasynyń orynbasary (kelisim boıynsha);

• Syrtqy ister mınıstriniń orynbasary;

• İshki ister mınıstriniń orynbasary;

• Sıfrlyq damý, ınovasıalar jáne aeroǵarysh ónerkásibi vıse-mınıstri;

• Qaýipsizdik keńesi hatshylyǵynyń qaýipsizdik máseleleri bólimi sektorynyń meńgerýshisi (kelisim boıynsha);

• Prezıdent Ákimshiliginiń komýnıkasıalar bólimi sektorynyń meńgerýshisi (kelisim boıynsha);

• Prezıdent Ákimshiliginiń sıfrlandyrýdy damytý bólimi sektorynyń meńgerýshisi (kelisim boıynsha);

• Úkimet Apparatynyń áleýmettik damý bóliminiń meńgerýshisi.