قازاقستان پرەمەر-مينيسترى ولجاس بەكتەنوۆ اقپاراتتىق قاۋىپسىزدىكتى كۇشەيتۋ جونىندەگى توپ قۇرۋدى تاپسىردى، دەپ حابارلايدى Dalanews.kz.

1. اقپاراتتىق كەڭىستىكتىڭ قاۋىپسىزدىگىن كۇشەيتۋ جونىندەگى ۇسىنىستار مەن ۇسىنىمداردى ازىرلەۋ ءۇشىن ۆەدومستۆوارالىق جۇمىس توبىن (بۇدان ءارى – جۇمىس توبى) وسى وكىمگە قوسىمشادا كورسەتىلگەن قۇرامدا قۇرۋ.

2. جۇمىس توبى 2025 جىلعى 31 قازانعا دەيىنگى مەرزىمدە قازاقستان رەسپۋبليكاسى ۇكىمەتى اپپاراتىنا اقپاراتتىق كەڭىستىكتىڭ قاۋىپسىزدىگىن كۇشەيتۋ جونىندەگى ۇسىنىستار مەن ۇسىنىمداردى دايىنداپ، ۇسىنۋى ءتيىس.

3. وسى وكىمنىڭ ورىندالۋىن باقىلاۋ قازاقستان رەسپۋبليكاسى پرەمەر-مينيسترىنىڭ ورىنباسارى ە.ب. كوشەربايەۆقا جۇكتەلسىن، – دەلىنگەن بەكتەنوۆتىڭ وكىمىندە.

قۇجاتپەن اقپاراتتىق كەڭىستىكتىڭ قاۋىپسىزدىگىن كۇشەيتۋ جونىندەگى ۇسىنىستار مەن ۇسىنىمداردى ازىرلەۋ ءۇشىن قۇرىلعان ۆەدومستۆوارالىق جۇمىس توبىنىڭ كەلەسى قۇرامى بەكىتىلدى:

• پرەمەر-مينيستردىڭ ورىنباسارى – توپ جەتەكشىسى؛

• مادەنيەت جانە اقپارات ءمينيسترى – توپ جەتەكشىسىنىڭ ورىنباسارى؛

• مادەنيەت جانە اقپارات ۆيسە-مينيسترى – توپ حاتشىسى؛

• ۇلتتىق قاۋىپسىزدىك كوميتەتى ءتوراعاسىنىڭ ورىنباسارى (كەلىسىم بويىنشا)؛

• قارجىلىق مونيتورينگ اگەنتتىگى ءتوراعاسىنىڭ ورىنباسارى (كەلىسىم بويىنشا)؛

• سىرتقى ىستەر ءمينيسترىنىڭ ورىنباسارى؛

• ىشكى ىستەر ءمينيسترىنىڭ ورىنباسارى؛

• سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى؛

• قاۋىپسىزدىك كەڭەسى حاتشىلىعىنىڭ قاۋىپسىزدىك ماسەلەلەرى ءبولىمى سەكتورىنىڭ مەڭگەرۋشىسى (كەلىسىم بويىنشا)؛

• پرەزيدەنت اكىمشىلىگىنىڭ كوممۋنيكاسيالار ءبولىمى سەكتورىنىڭ مەڭگەرۋشىسى (كەلىسىم بويىنشا)؛

• پرەزيدەنت اكىمشىلىگىنىڭ سيفرلاندىرۋدى دامىتۋ ءبولىمى سەكتورىنىڭ مەڭگەرۋشىسى (كەلىسىم بويىنشا)؛

• ۇكىمەت اپپاراتىنىڭ الەۋمەتتىك دامۋ ءبولىمىنىڭ مەڭگەرۋشىسى.