Prezıdent Qasym-Jomart Toqaev jańa Konstıtýsıany qabyldaýǵa arnalǵan saltanatty jıynǵa qatysty, dep habarlaıdy Dala News.
Aqordada ótken is-sharaǵa Premer-mınıstr Oljas Bektenov, Senat tóraǵasy Máýlen Áshimbaev, Májilis tóraǵasy Erlan Qoshanov, Memlekettik keńesshi Erlan Qarın, Prezıdent Ákimshiliginiń basshysy Aıbek Dádebaı, Úkimet músheleri, ortalyq memlekettik organdardyń basshylary, óńir ákimderi, sondaı-aq Konstıtýsıalyq komısıa men Jalpyulttyq koalısıa ókilderi qatysty.
Jıynda Ortalyq referendým komısıasynyń tóraǵasy Nurlan Ábdirov jańa Konstıtýsıa jobasy boıynsha ótken respýblıkalyq referendýmnyń qorytyndysyn jarıalady.
Saltanatty rásim barysynda Qurmet qaraýyly jańa Konstıtýsıany alyp kirip, Qazaqstan Respýblıkasynyń Memlekettik Ánurany oryndaldy.
Memleket basshysy Qasym-Jomart Toqaev Qazaqstan Respýblıkasynyń jańa Konstıtýsıasyna, sondaı-aq ony iske asyrý jónindegi 2026 jylǵy 15 naýryzdaǵy Jarlyqqa qol qoıdy.
