اقوردادا جاڭا كونستيتۋتسييا سالتاناتتى تٷردە ۇسىنىلدى

پرەزيدەنت قاسىم-جومارت توقاەۆ جاڭا كونستيتۋتسييانى قابىلداۋعا ارنالعان سالتاناتتى جيىنعا قاتىستى, دەپ حابارلايدى Dala News.

اقوردادا ٶتكەن ٸس-شاراعا پرەمەر-مينيستر ولجاس بەكتەنوۆ, سەنات تٶراعاسى مەۋلەن ەشٸمباەۆ, مەجٸلٸس تٶراعاسى ەرلان قوشانوۆ, مەملەكەتتٸك كەڭەسشٸ ەرلان قارين, پرەزيدەنت ەكٸمشٸلٸگٸنٸڭ باسشىسى ايبەك دەدەباي, ٷكٸمەت مٷشەلەرٸ, ورتالىق مەملەكەتتٸك ورگانداردىڭ باسشىلارى, ٶڭٸر ەكٸمدەرٸ, سونداي-اق كونستيتۋتسييالىق كوميسسييا مەن جالپىۇلتتىق كواليتسييا ٶكٸلدەرٸ قاتىستى.

جيىندا ورتالىق رەفەرەندۋم كوميسسيياسىنىڭ تٶراعاسى نۇرلان ەبدٸروۆ جاڭا كونستيتۋتسييا جوباسى بويىنشا ٶتكەن رەسپۋبليكالىق رەفەرەندۋمنىڭ قورىتىندىسىن جارييالادى.

سالتاناتتى رەسٸم بارىسىندا قۇرمەت قاراۋىلى جاڭا كونستيتۋتسييانى الىپ كٸرٸپ, قازاقستان رەسپۋبليكاسىنىڭ مەملەكەتتٸك ەنۇرانى ورىندالدى.

مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ جاڭا كونستيتۋتسيياسىنا, سونداي-اق ونى ٸسكە اسىرۋ جٶنٸندەگٸ 2026 جىلعى 15 ناۋرىزداعى جارلىققا قول قويدى.