Qarjylyq monitoring agenttiginiń Aqmola oblysy boiynsha departamenti mal sharýashylyǵyn damytýǵa bólingen biýdjet qarajatyn jymqyrý deregi boiynsha tergeý júrgizip jatyr, dep habarlaidy dalanews.kz.
Tergeý deregine qaraǵanda, "Medina" aýyl sharýashylyǵy óndiristik kooperativiniń direktory men Shortandy aýdandyq veterinariia stantsiiasynyń basshysy aqparattyq júiege iri qara mal sany týraly jalǵan málimet engizip, memlekettik sýbsidiiany zańsyz alý shemasyn uiymdastyrǵan.
57 asyl tuqymdy buqa bar degen jalǵan málimet negizinde biýdjetten 9 mln teńge aýdarylǵan. Keiin osy derekke súienip, is júzinde júrgizilmegen selektsiialyq jumystarǵa taǵy 17 mln teńge bólingen. Budan bólek, tórt ótinishte analyq mal sany 3 myń basqa artyq kórsetilgen. Saldarynan taǵy 27 mln teńge sýbsidiia negizsiz alynǵan.
Memleketke keltirilgen zalal 50 mln teńgeden asqan. Kooperativ direktoryna úiqamaq túrindegi bultartpaý sharasy qoldanyldy. Tergeý jalǵasyp jatyr.
