قارجىلىق مونيتورينگ اگەنتتٸگٸنٸڭ اقمولا وبلىسى بويىنشا دەپارتامەنتٸ مال شارۋاشىلىعىن دامىتۋعا بٶلٸنگەن بيۋدجەت قاراجاتىن جىمقىرۋ دەرەگٸ بويىنشا تەرگەۋ جٷرگٸزٸپ جاتىر, دەپ حابارلايدى dalanews.kz.
تەرگەۋ دەرەگٸنە قاراعاندا, "مەدينا" اۋىل شارۋاشىلىعى ٶندٸرٸستٸك كووپەراتيۆٸنٸڭ ديرەكتورى مەن شورتاندى اۋداندىق ۆەتەرينارييا ستانتسيياسىنىڭ باسشىسى اقپاراتتىق جٷيەگە ٸرٸ قارا مال سانى تۋرالى جالعان مەلٸمەت ەنگٸزٸپ, مەملەكەتتٸك سۋبسيدييانى زاڭسىز الۋ سحەماسىن ۇيىمداستىرعان.
57 اسىل تۇقىمدى بۇقا بار دەگەن جالعان مەلٸمەت نەگٸزٸندە بيۋدجەتتەن 9 ملن تەڭگە اۋدارىلعان. كەيٸن وسى دەرەككە سٷيەنٸپ, ٸس جٷزٸندە جٷرگٸزٸلمەگەن سەلەكتسييالىق جۇمىستارعا تاعى 17 ملن تەڭگە بٶلٸنگەن. بۇدان بٶلەك, تٶرت ٶتٸنٸشتە انالىق مال سانى 3 مىڭ باسقا ارتىق كٶرسەتٸلگەن. سالدارىنان تاعى 27 ملن تەڭگە سۋبسيدييا نەگٸزسٸز الىنعان.
مەملەكەتكە كەلتٸرٸلگەن زالال 50 ملن تەڭگەدەن اسقان. كووپەراتيۆ ديرەكتورىنا ٷيقاماق تٷرٸندەگٸ بۇلتارتپاۋ شاراسى قولدانىلدى. تەرگەۋ جالعاسىپ جاتىر.
