Stepnogorsk qalasynda aýrýhananyń operatsiialyq blogyn salý barysynda zańbuzýshylyqtar toqtatyldy, dep habarlaidy dalanews.kz.
Stepnogorsk qalasynyń prokýratýrasy Stepnogorsk kópbeiindi qalalyq aýrýhanasynyń «G jáne E» operatsiialyq blogyn salý kezinde zańnama talaptarynyń saqtalýyna tekserý júrgizdi.
Tekserý barysynda merdiger tarapynan qurylys normalarynyń buzylǵany anyqtaldy, bul jumystardyń sapasyz oryndalýyna jáne biýdjet qarajatynyń negizsiz tólenýine ákep soqqan. Atalǵan zańbuzýshylyqtar tehnikalyq jáne avtorlyq qadaǵalaý, sondai-aq tapsyrys berýshi tarapynan tiisti baqylaýdyń bolmaýy saldarynan bolǵan.
Prokýratýra qadaǵalaý aktisin qaraý nátijesinde merdigermen jasalǵan shart buzyldy.
Tapsyrys berýshi 80 mln teńge kólemindegi biýdjet qarajatyn qaitarý týraly sotqa talap aryz berdi.
Densaýlyq saqtaý basqarmasynyń eki laýazymdy tulǵasy tártiptik jaýaptylyqqa tartyldy.
Qazirgi ýaqytta jańa merdigerdi taǵaiyndaý jáne nysannyń qurylysyn qysqa merzimde aiaqtaý boiynsha sharalar qabyldanyp jatyr.
